一期一會

今日跟朋友入去西貢白沙灣搵食，問佢食咩又話唔知，佢帶咗我去一間隱世餐廳，餐廳喺酒店入邊，原來係食廚師發板，餐牌菜式由餐廳按當日食材安排，不時不食，難怪佢話唔知食咩啦😆 餐廳最細緻嘅位係堅持所有煮食用嘅水都係用白神山地之水烹調，讓每一位客人可以食到最原汁原味日本嘅Omakase 前菜3食 -合桃豆腐上面有菊花茨汁 -柿子杯入面有帶子、鮑魚、蝦、芝麻柿 -松葉蟹肉超鮮甜😍 唔好睇小旁邊既稻穗🌾，脆米就好似一粒粒爆米花🍿️好食好特別 旬之刺身 深海池魚配柚子汁竟然好夾，赤身拖羅配食用菊花好，軟滑口感一流 赤牡丹蝦🦐好肥美鮮甜，肉質好爽口，特上大拖羅油脂更高，喺入口完全溶化，薄切左口魚包住汁燒裙邊又係另一種食法，🦑八爪魚吸管好QQ，紫蘇花絮可以配埋刺身一齊食，第一次食紫蘇花絮，顏色十分好看，味道比紫蘇葉淡，岩手縣米崎蠔🦪配蒜蓉蕃茄汁，估唔到呢個汁令到個蠔味更上一層樓 燒物 金鯛魚🐟做立鱗燒，用原片魚件不起鱗用熟油淥熟再用爐燒到乾脆，上面配埋海膽粉，魚肉嫩滑，勁好食呀😍 炸物 🍠番薯天婦羅、南瓜天婦羅、🦀️松葉蟹腳天婦羅，成隻松葉蟹腳做天婦羅原來好好食，外脆既粉漿包住新鮮既蟹腳，真係好出色😋 旁邊以竹炭鹽配天婦羅，職員告知青檸按需要先落，並不是一定需要，顛覆左我咁多年既食天婦羅方法🤪 煮物 以日本傳統食法煮法國鴨胸，以下仁田蔥配鴨肉，下仁田蔥味道同我地食開既蔥完全唔同味道，十分獨特 時令壽司🍣 一次過食七款壽司，一貫入魂，醬油、山葵漬口味當然唔少得啦，北寄貝搽咗少少醬油輕燒過，仲用黃芥末襯托，池魚上面配咗薑芽同蘿蔔絲，天使蝦配梅醬，仲有熟成三日既中拖羅，昆布醃漬海膽，坊間比較少見，上面配左三文魚子，真鮮上加鮮 湯 雲子清湯以漆碗上，有松茸、炸過既豆腐、 鱈白子，鱈白子係女士美肌恩物，對身體同皮膚超好，口感好creamy，一d腥都冇，似豆腐既質地，渴超級鮮甜，一滴不漏飲哂😌 甜品 胡麻芝士蛋糕🍰好香芝麻味，同芝士蛋糕好平衡👍🏻網紋蜜瓜🍈好清甜，為晚餐畫上完美既句號 ‼️注意‼️ 餐廳預約比較Full，想去嘅朋友一定一定要預約，如果唔係有機會白行一趟 #12月去邊 #foodie #夏日搵食推介 #廚師發板 #日本料理