【樓上小店🇫🇷親民價嘆高質法國菜】

喺中環地段食法國餐都有返一定價位，最近竟然喺中環食到高水準、價錢又親民嘅法國菜！ 呢間樓上餐廳面積唔大，最左邊係開放式廚房，可以見到廚師精湛嘅廚藝👨🏻‍🍳而餐廳枱櫈都用上木色，簡約樸實得嚟好有傳統法國餐館feel🪵 🥖焦糖鴨肝醬配法包 ($168) 鴨肝醬表面整咗層焦糖脆片，成個crème brûlée咁好特別😍焦糖燒得好香，底層鴨肝醬濃味又creamy，配埋細細件法包一齊食好正🥰不過就咁食可能會好快覺得膩，所以餐廳都提供埋果醬中和返鴨肝醬👍🏻如果果醬可以多小小就好，因為鴨肝醬俾得太慷慨了😂特別一提呢到嘅法包係可以免費添加架🆓 🧅焗法式地道古也芝士洋蔥湯 ($78) 好香濃嘅洋蔥湯😍表面有塊灑上香草嘅脆多士，吸收湯精華飲落好暖胃😋古也芝士放入熱湯變成拉絲，鹹香味道同洋蔥嘅甜味好夾，啖啖都有溶咗嘅芝士，口腔充滿住香氣好正！ 🦆法式地道鴨腿配鴨油煎薯仔 ($208) 鴨腿外層好脆口🤤內裏肉質嫩滑，好容易將佢骨肉分離，怕食得麻煩嘅都唔洗驚🤣伴碟薯仔呈金黃色，煎得幾香脆可口😍 🫒日本鮮帶子檸檬汁初榨橄欖油意粉 ($188) 食完咁多濃味嘅食物，另一主菜就揀返個較為簡約調味嘅意粉中和返～意粉軟硬度適中，配上橄欖油、蒜片、檸檬汁，口感滑溜又fresh🥰仲有四粒大大粒嘅帶子，鮮味十足，正🤤 🍫是日甜品 - 合桃朱古力撻 ($78) 小巧玲瓏的外形散發濃濃的朱古力香氣，表面放滿蜜糖合桃粒，整個甜品看起來好精緻😍撻身酥脆可口，朱古力嘅醇香配上合桃香氣，甜度適中、不會過於甜膩，為呢餐畫上完美句號🤎 總結：食物既有特色又有水準，法國餐嚟講價錢貼地，性價比幾高，食完好滿足🥰 🍽Cuisine Culture 📍中環德己立街12號業豐大廈2樓203號舖 @cuisineculturehk #fon中環 #fon法式 #中環 #中環美食 #法式 #法國菜 #central #centralfood #french #frenchfood #frenchcuisine #cuisineculture #duckliver #pasta #cremebrulee #wine #foodieornot #foodie #hkfood #hkfoodie #foodiehk #foodiehkig #hkfoodblogger #foodporn #foodiegram #food #yummy #nomnomnom