平價高質之選自助餐

#報名酒店試睡員 我耐唔耐就會想食自助餐，因為款式多選擇，依家係香港食自助餐動不動都要六七佰以上價位，今晚同朋友嚟到位於旺角仕德福酒店嘅德福閣食自助餐，價錢相當貼地折後$398/位價錢好親民嘅自助餐，性價比高～ 餐廳位於酒店閣樓，樓底幾高。咖啡廳格局，不算好華麗但夠整潔。職員好有禮貌及主動收拾碗碟，不時主動加水，整體環境不錯👍🏻 自助餐規模不算太大，不過前菜、冷盤、刺身、主食、飲品及甜品都齊晒😋此價格仲有啤酒汽水任飲同Movenpick雪糕任食，絕對超值！ ～前菜&冷盤區～ 小食有日式茄子、木耳、螺肉、中華沙律、壽司亦有日式冷麵、巴馬火腿伴蜜瓜、煙鴨胸及火腿等，味道不錯！ 冷盤有蟹腳，凍蝦及青口；當然少不了刺身，有三文魚、八爪魚，希靈魚及劍魚；壽司有三文魚、鰻魚、北寄貝同魷魚等…另外侍應會奉上每人一碟4隻生蠔，大大隻好肥美。 ～主菜區～ 有專人切嘅燒香草羊脾、咖哩牛腩、辣子雞、陳皮欖角豚肉、日式茶碗蒸、紅酒燴牛面頰、紅咖喱鴨、鮮菇扒時蔬、中式炒飯、海南雞、清蒸海上鮮…另外有提供中式老火湯及西式湯 ～飲品&水果區～ 有自助飲品機，可自製奶茶、咖啡、鮮奶及朱古力等等，另外有可樂汽水、雪碧、忌廉梳打罐裝汽水及啤酒，當然少不了蘋果汁。水果有西瓜、蜜瓜及菠蘿，選擇雖然不多但足夠食 ～甜品區～ 有專人即製水果班戟、梳乎厘、鮮果忌廉蛋糕、芝士蛋糕、芒果布甸、雜果啫喱、牛油蛋糕、奶凍、燉蛋、和菓子、馬卡龍及朱古力噴泉等等，另外亦有Movenpick雪糕，選擇豐富，單以甜品來說已經超值～ 個人推薦💯 巴馬火腿伴蜜瓜🍈蜜瓜超甜好多水份 紅酒燴牛面頰🐮肉質好淋身 好入味 海南雞🐔肉質鮮嫩，啖啖肉 生蠔🦪每人🈶️4隻已經足夠 好肥美 鮮果忌廉蛋糕🎂海綿蛋糕好軟熟 不太甜 班戟🥞即叫即整 整體來說，環境及食物選擇夠多，加上甜品不錯，性價比高👍🏻 德福閣 📍旺角豉油街118號仕德福酒店閣樓 ☎️（+852) 27104272 •♡•♡•♡•♡•♡•♡•♡•♡ •♡•♡•♡•♡• #德福閣 #生蠔 #巴馬火腿 #清蒸海上鮮 #芝士蛋糕 #梳乎厘 #馬卡龍 #Movenpick雪糕 #自助晚餐 #仕德福酒店 #旺角美食 #旺角自助餐 #性價比高 #香港自助餐 #香港