旺角「香港108 館」點嘅呢？

第一次嚟108館，一梯三房總共23層，感覺上似公寓，雖然處於旺角鬧市，不過位置係旺角豉油街街尾比較靜，checkin 要上一樓，哥哥俾咗高樓層嘅房間我哋，房入面會聽到東鐵每次行過同埋隔離房講嘢聲，隔音麻麻哋。房間同床size 都算大，幾乾淨，只係廁所比想像中細，沖涼熱水要開一陣先會熱，仲有就係如果企喺枱前面個冷氣會兜頭吹，冇得調校吹風角度，一係只可以熄咗個冷氣。 經Trip.com 訂108館$471一晚，行過幾步隔離就係另一間叫仕德福酒店，價錢貴唔夠$100不過始終係集團式酒店，試過同集團嘅尖沙咀仕德福山景酒店印象好好，所以下次再嚟旺角區我會揀仕德福試吓。