隱藏於太子酒吧街🤍別緻高質居酒屋🏮「醉翁燒鳥」

過完魚街買左一堆心水魚🐠❤️ 就約左朋友嚟太子陪我食「生日飯🎉」 呢一間專食串燒嘅居酒屋🏮係最近新開係酒吧街個邊～ 🤍門口全白色設計，喺酒吧街當中非常突出顯眼～ 而入內亦都非常鍾意佢哋坐位嘅設計，私隱度極高 👍🏻👍🏻 - 「🍣油甘魚腩三文魚腩刺身」&「🦀足料軟殼蟹沙律」 佢地嘅魚生刺身勁新鮮😋2個魚腩啖啖肉肥得嚟又唔會太漏～ 至於軟殼蟹沙律🥗蟹量好多炸得又夠脆，配埋蟹籽同沙律菜，作為前菜夠晒醒胃～ - 「🔥鹽釜原隻鮑魚」 店員⭐️5星星推介俾我哋！ 果然係超有驚喜又好食🤤🤤 一上枱會淋上火焰酒等包住喺鹽入面嘅食材味道揮發出嚟會更好更香～ 而一打開果然不負眾望，係昆布包住原隻鮑魚，昆布嘅味道香溢四射，令人聞到都口水直流🤤 鮑魚味道更加唔洗講，索曬昆布味非常入味，軟淋得嚟又不乏彈牙，就係勁好食呀！👍🏻👍🏻 - 「🐣櫻花蝦半熟蛋爆彈」/「🐷豚肉串燒set」/「🐔雞肉串燒set」/「🐮厚切燒牛舌」/「🧀️燒芝士年糕」 作為居酒屋點可以冇串燒，花多眼亂唔知點揀嘅話就可以揀串燒set, 全部都燒得勁香～ 豚肉set入面最特別就係「煙肉荔枝卷」&「香茜豬肉卷」，前者又鹹又甜出奇地夾，後者係芫荽控必點！ 雞肉set的話如果有小朋友嘅話佢哋會食得好開心❤️ 無論雞肉或者免治雞肉棒都配上甜甜嘅醬汁，絕對係小朋友最愛～ 佢地個厚切燒牛舌都唔錯，因為厚燒好容易會燒到好韌，但佢地燒得剛好，好有咬口又唔會太鹹～ 至於芝士年糕同爆彈，2個又係我口袋中必點之選！⭐️ 芝士年糕煙煙韌韌，入邊爆出滿滿嘅芝士，大滿足😋 至於爆彈，係蝦膠包住咗流心蛋再去炸，味道層次都好豐富，再加上櫻花蝦嘅鹹香，食一客真係唔係好夠喉🤪 - 「🏮醉翁燒鳥 (太子)」 📍太子西洋菜北街159A號地舖 #星級作家 #週末遊 #美食指南 #日本美食 #美食之旅 #駐站作家 #hkfoodie #hkfoodblogger