🌟灣仔鄰里法國小酒館 · 邊飲邊傾推介 🌟

🍴🍽🍴🍽🍴🍽🍷🍷🍷🍷🍷🍴🍽🍴🍽🍴🍽 - 法國菜一般俾人感覺好似會有啲拘謹，但呢間位於灣仔嘅法式小酒館就sell casual & cosiness 😍。舖頭裝修綠色配深木色為主，感覺小清新。星期五晚去係full house, 因為坐得密而且大部分客人都有order酒，所以大家都傾得好高興，如果兩個人date night 咁去食，環境可能會太嘈，個人認為四個人去開支酒就最啱個vibe 👍。 🥢 Steak tartare $208 🆗 呢度嘅牛肉他他味道偏酸，好開胃，牛肉同其他配料都切到細細粒咁口感好好，亦唔會食到筋。法包烘到脆口，但略嫌份量唔夠generous，俾咗幾塊可能個enjoyment會高啲😂。 🥢 Duck à l’orange $368 🆙 Chef Tiffany Lo 喺自己開餐廳之前跟過英國米芝連三星大廚Pierre Koffmann學法國菜，睇返佢嘅訪問佢有提到煮肉同汁係佢其中學到最獨到嘅手藝。呢味餸就好體現到Chef Lo嘅學有所成，鴨胸煮得啱啱好，鎖住入面嘅水份口感亦都好嫩，配上甘甜嘅苦橙汁，配菜係好滑溜嘅甜蕃薯蓉，夾埋真係色香味俱全👍。 🥢 Squid ink linguine, squid, bottarga $298 🆖 可能對呢間餐廳期望好大所以呢個pasta 相對普通就覺得有啲失色，味道偏咸(可能係本身個汁已經有味，再加埋魚春)，接近三百蚊嘅一個手工意粉我會expect 更多。 🥢 Honey madeleine $28/pc 🆗 最普通嘅嘢係最難做得好，其實只係一粒檸檬蛋糕，但因為freshly baked to order，上到枱係仲暖，個邊係脆脆地，baked just right !! 算係餐飯嘅完美句號👌。 📌 當日飯局係慶祝生日，朋友都預早安排咗要寫birthday blessings 喺甜品，但我地要另外再問先俾蠟燭😂。 📌 餐廳係冇tap water 提供，但當晚我同朋友都唔想飲酒，所以嗌咗咖啡同熱茶。侍應都有好貼心咁幫我加咗兩三次熱水，但冇tap water 好似有啲冇照顧到唔想order酒嘅客人😂。所以建議大家預咗飲酒先去。 📌 minimum spend pp for lunch $300, for dinner $500, 可以網上訂位。 🌟評價 𝗥𝗮𝘁𝗶𝗻𝗴𝘀🌟 食物 𝗙𝗼𝗼𝗱 7/10 環境 𝗘𝗻𝘃𝗶𝗿𝗼𝗻𝗺𝗲𝗻𝘁 8/10 服務 𝗦𝗲𝗿𝘃𝗶𝗰𝗲 6.5/10 性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 6/10 整體 𝗢𝘃𝗲𝗿𝗮𝗹𝗹 6.875/10 - 🍴🍽🍴🍽🍴🍽 🍷🍷🍷🍷🍷 🍴🍽🍴🍽🍴🍽 - 🗺 jean may (灣仔) 灣仔機利臣街14號地下A號舖 - #bakdiu西式 #bakdiu法國菜 #bakdiu酒館 #bakdiu銅鑼灣 #bakdiu灣仔 #hkfood #hkfoodie #hkfoodblog #hkfoodblogger #hkfoodpic #hkfoodig #hkfoodreview #hkfoodprint #hkrestaurant #hkig #食好西 #香港餐廳 #香港餐廳推薦 #香港美食 #食評 #香港食評#香港好去處 #香港打卡好去處 #灣仔好去處 #灣仔區美食 #港島美食 #萬聖節2023