旺角人氣西餐廳 必食梳乎厘班戟

想食梳乎厘pancake就會諗起呢間喺Moko嘅餐廳，除咗唔同口味嘅pancake仲有西餐食。 White Wine Mussels $79 叫咗份白酒忌廉藍青口，青口鮮甜而且吸收哂個白酒忌廉汁嘅香味。忌廉汁好creamy，用烤多士點黎食就岩哂。 Beef Cheek Risotto $172 主菜叫咗個意大利飯，慢煮牛面頰肉肉質非常軟腍，肉味香濃，飯煮得岩岩好，唔會太軟太硬，仲有烤蘆筍同翠肉瓜等做配菜。 Sea Urchin & Scallop Linguine $178 朋友就叫咗個海膽忌廉汁意粉，有海膽、鮮嫩煎帶子同蟹肉做配料，意粉夠彈牙，忌廉汁有鮮甜海膽味，唔錯。 Banoffee Crème Brûlée Pancake $119 最後當然唔少得叫咗份厚梳乎厘pancake開心share，揀咗呢款Crème Brûlée 口味，梳乎厘pancake口感軟綿，充滿空氣感，面頭淋咗拖肥同吉士醬，加埋香蕉同焦糖脆面，就好似真係食緊焦糖燉蛋咁。 。 。 The Pantry & Chips Republic (旺角) 旺角太子道西193號MOKO新世紀廣場4樓436-438號舖 。 。 #香港 #週末遊 #香港美食 #香港打卡 #香港探店