慶生好選擇 性價比高日式鐵板燒

#本命鐵板燒 鐵板燒最正就係聲色味俱全，坐起吧枱前欣賞師傅烹調的手藝，一次過滿足晒視覺聽覺同味覺既享受。 今日同朋友慶生，預先book定了位於銅鑼灣既本命鐵板燒準備比個驚喜佢。餐廳裝飾以木色做主調，好有日式和風設計，座位舒適寬敞。 前菜： 蘆薈沙律味道酸中帶甜，蘆薈口感清新。 秋葵水雲口感清爽，胃口即時大開。 澳洲龍蝦： 龍蝦偏大隻而且生猛，師傅先將龍蝦煎好及拆殻，再配上龍蝦膏烹調而成，鮮味十足，啖啖肉，爽口彈牙。 南非鮑魚： 鮑魚生猛，肉身肥大厚肉，用上瑤柱松葉蟹汁配搭，鮮味突出，口感嫩滑彈牙。 時令海鮮： 時令海鮮係北海道帆立貝，肥大飽滿，帆立貝煎到外脆內軟，醬汁用上西洋菜忌廉汁，好有新鮮感，味道好特別呀。 銀雪魚： 銀雪魚煎到金黃色配上野菌汁，上面還插上煎脆左既魚皮，肉質鮮嫩幼滑，煎魚皮爽脆可。 鵝肝： 外皮煎到金黃色，味道濃郁，入口即化，再配上紅石榴、焦糖蘋果、藍莓等生果以解油膩，味道搭配很好。 牛舌芯：牛舌芯同樣煎到外面脆脆地，口感軟嫩得黎帶點嚼勁。 鹿兒島和牛：外皮煎到焦香，外脆內軟帶肉汁，油花紋理分佈平勻，牛味濃郁且入口即化，超好食。 炒飯：以日本米同日本蛋加上肉粒葱花爆炒而成，所有配料同炒飯融合埋一齊，炒到粒粒分明，調味適中。 吸物： 用上龍蝦殼熬出來既麵豉湯，鮮甜味更突出，熱辣辣，好正 甜品： 邪惡焦糖多士，甜度適中，口感鬆脆；最後一道甜品是我至愛既奶凍，口感細滑富彈性，為今餐劃上完美的句號。 🔎本命鐵板燒 (銅鑼灣) 📍銅鑼灣邊寧頓街13號2樓 #foodie #food #foodphotography #delicious #hkfoodie #yummy #foodstagram #foodlover #foodblogger #foodpics #foodphoto #香港美食多 #美食分享 #銅鑼灣 #causewaybay #鐵板燒 #tenpanyaki #鮑魚 #海鮮 #龍蝦 #帆立貝 #鵝肝 #慶生 #慶生餐廳 #和牛 #新鮮食材 #節日 #omakase #japan