尖沙咀高質惹味串燒勁多選擇

呢間日式燒烤/串燒店有好多分店，面且夠高質，夠哂方便就腳，今次就同朋友黎咗尖沙咀店。佢哋嘅串燒除咗一般大路款式，仲會有d都幾有新意同特別嘅配搭，雞、豬、牛、羊、鴨、魚、海鮮、蔬菜等款式應有盡有，款式黎講係我見過最多嘅串燒店。 鹽燒A4宮崎和牛 $58@ 和牛好腍身，燒得啱啱好，鎖住肉汁喺入面，肉味亦都好濃郁，不愧為宮崎牛。 厚切鹽燒牛舌腩 $48@ 牛舌超厚身，食落非常爽口但唔會好難咬開。 雞皮墨魚滑 $38@ 將彈牙嘅墨魚滑釀喺脆卜卜嘅雞皮入邊，食落有雙重口感。 蒜蓉燒廣島蠔 $44/兩隻 大大隻廣島蠔，面頭鋪咗勁多蒜蓉去燒，蒜味香濃，廣島蠔水嫩多汁，口感幼滑。 紅椒沙茶醬燒鮑魚 $48@ 鮑魚夠夠鮮味，爽口彈牙有咬口，仲意外地同惹味嘅沙茶醬好夾。 鹽燒白鱔 $48@ 白鱔外皮燒到香脆，魚身白嫩爽彈，火候控制得啱啱好，食落唔會乾身。 豚肉節瓜波板糖(附月見) $38@ 師傅將豚肉同節瓜捲成波板糖咁嘅樣去燒，非常有心思，點埋生雞蛋黃一齊食味道就更加香濃。 黑糖燒菠蘿 $20@ 菠蘿酸酸甜甜又多汁，非常清新又開胃，仲有陣陣黑糖嘅甜香。 另外仲叫咗好似雞翼、松板豬、海苔黑豚肉鵪鶉蛋、鹹蛋黃卷、翠玉瓜、明太子淮山燒、牛油蒜蓉焗金菇、川燒蒜蓉茄子、麻辣手釣墨魚鬚等等，款款都非常有特色。 。 。 燒烤堂 (尖沙咀) 尖沙咀諾士佛臺1號1樓 。 。#週末遊 #美食指南 #foodphotography #日本美食 #美食之旅 #like #香港美食 #串燒 #尖沙咀美食