半價品嘗飛機貨，新鮮海鮮多籮籮

餐廳：雪村 (尖沙咀) 地址：尖沙咀河內道18號K11購物藝術館1樓106號舖 尖沙咀K11購物藝術館1樓呢間開咗接近4個月嘅傳統日式料理餐廳——雪村 @yukimura_robatayaki ，以全新面貌為食客帶嚟過百款日式料理美食🍣，包括Omakase、爐端燒🍢、丼飯🍱、手卷、刺身、海鮮🐟、壽司等，款式真喺應有盡有，啱晒一眾鍾意食日本菜嘅朋友 餐廳一邊喺卡位，另一邊喺食Omakase嘅吧枱，午市推出14款套餐，有壽司盛、丼同定食，另外有十幾款是日推介嘅日本飛機直送新鮮海鮮美食✈️，其中我去嗰日仲有11樣喺做緊半價😍，唔叫嚟食都真喺對唔住自己同個荷包😎 ✝️牛肉壽喜燒定食 $128 有4-5大片牛肉🐃，喺清甜唔會太濃味嘅壽喜燒湯底入面烚一陣，啱啱好變色仲帶少少粉紅就可以夾上嚟食，唔喺入口即溶，但口感都幾綿滑軟嫩而且充滿牛羶香，當中仲有多款新鮮蔬菜🥬、豆腐、菇菌類🍄，配埋套餐包嘅白飯、麵豉湯同沙律都算豐富飽肚🥗 ✝️蒲燒鰻魚丼 $158 師傅將鰻魚一分為八小件，鋪喺正方形便當嘅白飯上面，加上自製蒲燒鰻魚汁同芝麻，濃郁得嚟個人覺得有少少鹹膩🤏，惹味之中都尚算品嘗得到鰻魚嘅鮮香，鰻魚皮微微香脆，食落香口有層次感👍 用半價優惠叫咗鹽燒喜之次($114[原價$228])、天婦羅珍味螢光魷魚($34[原價$68])同自家製免治雞肉($34[原價$68])。選用咗北海道嘅海中紅寶石——新鮮原條喜之次鹽燒烹調而成🔥，雖然魚肉比例唔算多，但喺鹹香可口嘅魚骨魚皮，加上嫩滑無比又唔腥嘅魚肉，仲有鹽燒過程中逼出嚟嘅魚油香確實令人難以抵擋🐟；用天婦羅手法炸香成薄脆嘅螢光魷魚🦑，外脆而內煙韌爽軟嘅口感最啱就喺用嚟做佐酒小食🍶；將手打免治雞肉加入軟骨整成肉餅形狀，面頭放上月見生雞蛋，加上蔥花嘅清新爽脆配搭，中和咗秘製甜醬汁嘅濃膩感