PMQ元創方靚靚泰式餐廳🇹🇭🥘🧋

PMQ元創方開咗間靚靚嘅泰式餐廳，裝潢好特別，營造出一個好舒服嘅泰國氛圍，好relax😌 首先揀咗粉絲沙律，有粉絲、雞肉碎、泰國芹菜、辣椒🌶️同青檸醬做主要材料。粉絲嘅口感好彈牙，加埋酸辣嘅青檸醬，好開胃。 小食揀咗炭燒沙嗲雞串，啲雞肉好嫩滑，燒烤嘅味道好香，點埋沙嗲醬真係一流😋 主菜叫咗虎蝦金邊粉，虎蝦嘅肉質好鮮嫩，金邊粉煙煙韌韌，酸酸地幾好食。蒜蓉炒芥蘭苗炒得到爽口又有蒜蓉香。 甜品揀咗芒果糯米飯。糯米飯熱熱地夠軟糯，芒果🥭又夠甜。飲品方面，叫咗Calamansi lemonade同Thai milk tea。Calamansi lemonade好清爽，有啲酸甜嘅味道，而Thai milk tea就濃郁香醇，係泰式餐廳必試嘅經典飲品。 📍BKK 中環鴨巴甸街35號PMQ元創方A座Staunton地下SG09-SG14號舖 #中環 #泰國菜 #中環美食 #pmq #central #thaifood #香港吃喝玩樂 #香港美食 #中環美食 #香港打卡 #香港假日好去處 #yummy #food #foodiehk #chill