同事帶我嚟沙田石門呢間「豐鍋雞煲」，主打價錢親民又多元化嘅雞煲菜式，另設大量火鍋配料，啱晒我哋大刷一餐！

🌟餐廳：豐鍋雞煲 📍地址：沙田石門安群街3號京瑞廣場1期1樓137號舖 💰價位：～$100 - $200 ⏰營業時間：星期一至日11:30 - 22:30 📱電話：26030033 呢個星期天氣轉涼，收工最佳節目就係約同事嘆個暖笠笠嘅雞煲，養生又暖胃！ 同事帶我嚟沙田石門呢間「豐鍋雞煲」，主打價錢親民又多元化嘅雞煲菜式，另設大量火鍋配料，啱晒我哋大刷一餐！ ——————————————————— 🔹滋潤椰子雞煲（半隻） 有驚喜既湯底~ 店員會即場開椰青作湯底，椰青水夠晒清甜滋潤，湯底仲加入竹笙及紅棗等配料，加上滑嫩爽彈既雞肉，打邊爐之前嘆番碗椰青雞湯，飲完成身暖笠笠，超滿足！ ——————————————————— 🔹頂級安格斯肥牛 手切頂級安格斯肥牛，油脂分佈均勻，厚薄適中，色澤粉嫩紅潤，入口牛肉味夠哂濃郁，必試！ ——————————————————— 🔹手工四寶丸 提供4款手打丸，分別有墨魚丸、蝦丸、黑墨丸及鯪魚丸，由餐廳手打現製，夠晒新鮮！我地最鍾意墨魚丸及蝦丸 ~墨魚丸咬落粒粒墨魚粒，夠哂口感；蝦丸入邊嘅蝦肉彈牙，上層加入蟹籽，層次感十足，好正～ ——————————————————— 🔹沙爆魚肚 呢款沙爆魚肚，夠晒厚身，用椰子雞鍋嘅湯底熬煮後，索滿鮮甜香濃既湯汁，入口軟綿綿，口感味道一流！ ——————————————————— 🔹雜菜籃 有齊白菜仔、唐生菜及菜心，岩哂鍾意食菜嘅我哋，夠晒健康！特別推介白菜仔，大大棵爽脆鮮甜！ ——————————————————— 😋味道：4/5 🏢環境：4/5 💁🏻♀️服務：4/5 💵價錢：4/5 🤟🏻性價比：4/5 ——————————————————— 👅整體小總結 餐廳位於石門京瑞廣場，鄰近地鐵站地點夠晒方便！食物方便，提供一系列雞煲、椰子雞煲及各式火鍋湯底，有辣有唔辣，任君選擇，款式夠晒多元化，值得一試！ ———————————————————