一遊📍尖沙咀

先前同跳舞同學去過灣仔分店覺得好正 今次帶姑姐姑媽試埋尖沙咀分店 果然無令我地失望 時令刺身▶️深海池魚王薄切$168配酸汁比你蘸嚟食 師傅好刀工每片都晶瑩剔透 食材新鮮就咁食好鮮甜 配埋酸汁好開胃 南瓜沙律$72 上面係炸左既蓮藕片好特別 香脆可口既蓮藕片配埋鮮甜既南瓜我好鍾意 炸雞香蔥汁$78 雞皮炸到好香口唔油膩 雞肉仲保持肉汁 底下有沙律菜配埋香蔥汁一絕 八爪魚酥$82 粉漿好薄炸得好爽 八爪魚爽口一d都唔韌火喉剛剛好 飲品揀左兩杯陳年柑桔蜜$45/杯 姑姐姑媽話食左咁多熱氣野要潤一潤喉 未飲都睇得出好濃郁真材實料 朋友叫左柚子梳打$42 柚子蜜比得好大方 我要左菠蘿杏子酒$49 菠蘿味比較出甜甜地幾好飲 再嚟串燒： 魷魚軟骨$76x2 好鍾意食軟骨~燒得剛剛好唔會太乾 雞肉明太子$32 x 2 店員話呢款要先食因為明太子有火灸過 凍左會影響口感 嫰滑既雞肉配埋明太子既咸香好夾 牛舌$52x2 厚切再落埋七味粉完美 鹽燒活鰻$78x2 皮脆肉嫰~焦香焦香好正 免治雞肉$30x2 配埋生雞蛋豉油 免治雞肉本身我一般不過蘸左生雞蛋豉油 成件事即刻昇華左 海膽蟹肉牛油果卷$245 好靚仔一次過滿足三個願望 海膽鮮甜蟹肉份量十足 配埋牛油果既creamy真心正 上面三層都係creamy卷入面爽口無得頂 梅酒煮比目魚$178 如果lunch食會跟埋湯同飯 本身已經好鍾意飲梅酒 亦好鍾意煎比目魚 無諗過兩者結果又幾夾埋 煎既比目魚魚油會比較多 梅酒煮既口感比較爽口彈口無咁膩 麵豉湯好夠熱比較多蔥唔錯 最後叫左店員介紹禽日先到貨既熊本和牛丼$298 呢款和牛會肥d夾住d飯同蔥食會無咁膩 但係牛味真心超濃好香 好飽好滿足不過食唔晒d飯 店員超有禮貌，係我地選擇困難時仲會比意見，下次會再嚟試埋其他。 #每月27日會員日免費換貴賓室