【#梅窩美食：吹住海風食海鮮🐟🌊✨】

偶爾對海鮮敏感嘅我，今星期難得同男友去咗一年一度嘅梅窩秋季旅行，所以都係食咗先算（而家就痕緊⋯）❣️由於上年喺梅窩就去過熟食市場食晚餐，坐喺海邊位，吹住海風，望住梅窩夜景，食住海鮮配啤酒，實在太正，而印象最深刻嘅就係「椒鹽九肚魚」，所以今次就重遊舊地，照喺熟食市場食晚餐🥳。但去到嘅時候發現「順興海鮮飯店」同「華記海鮮飯店」實在太似樣，我哋都唔記得上年係食邊間，唯有抱住羊群心態，去咗比較多人食果間試吓，結果啱啱發現上年食嘅唔係呢間，不過「椒鹽九肚魚」同樣咁好味🤣❣️ ✍🏻 / 椒鹽九肚魚 💵價錢：HK$98 🔘美味指數：❤️❤️❤️❤️❤️ 九肚魚個口感真係好正，滑捋捋，就算炸完食落都唔會乾身，點埋個喼汁，好夾👍🏻✨呢碟野對2個人嚟講，份量有啲大，食到好有罪惡感，起碼過半碟係落咗我肚🙈✨椒鹽真係點煮都好味，至少到而家都未食過難食嘅椒鹽料理。 ✍🏻 / 避風塘炒蜆 💵價錢：HK$105 🔘美味指數：❤️❤️❤️🤍🤍 呢個避風塘同我想像嘅有啲出入，本來以為啲蒜係炸蒜果種，但佢啲蒜係炒濕咗嘅，不過係我心目中所有蒜都好香。雖然蒜香，但呢碟野嘅肉殻嚴重分離，而且感覺啲殻多過啲肉，成日覺得出面食蜆好易偷龍轉鳳，撈埋啲空殻一齊炒，希望呢間冇啦！整體嚟講味道係唔錯，如果唔介意性價比一般嘅話，都可以一試避風塘風味嘅炒蜆💕✨。 ✍🏻 / 乾炒牛河 💵價錢：HK$65 🔘美味指數：❤️❤️❤️❤️🤍 因為見到餐廳有兩個師傅喺度炒野，炒到好似好有鑊氣咁，所以就試下呢味。結果冇失望，鑊氣足，而且啱啱炒出嚟即食好香，香得嚟都唔會太油，啲牛肉份量仲幾多，試試試🤤❣️ 💵埋單價錢：HK$306/2人 🔘整體美味指數：❤️❤️❤❤🤍 🔘餐廳名稱：華記海鮮飯店 (大嶼山) 🔘餐廳地址：大嶼山梅窩碼頭熟食中心 . #hkfood #food #foodlover #foodporn #foodpic #foodie #hkfoodie #hkig #photography #hk #hkgirl #hkcafe #foodblogger #hkfoodblogger #hkphotography #hkphotographer #食評 #香港美食 #香港好去處 #相機食先 #吃貨 #香港攝影 #美食 #料理 #大排檔 #海鮮 #離島 #梅窩#梅窩美食