🌾油麻地高質木系文青打卡Cafe

最近成日比依一間Cafe洗版，於是終於忍唔住去試咗🤣。打卡方面，🌿Cafe門口真係夠影一個下午😆，不過就冇得直接坐門口食嘢，適合買杯咖啡陪襯吓咁影，位置較細，想影就要早啲黎喇。店內環境走簡約風，以灰色同木系為主調，如果店內影嘅話就要就下角度，先至唔會影到其他人。 食物方面，種類雖然唔多，但係每樣都好出色，又唔會等得耐🤩❗️我朋友話不如唔好淨開cafe，叫佢再開多間餐廳喇🤤🤣❗️因為Cafe黎講要搵一間好食嘅其實真係好難，依間真係突圍而出，有驚喜的，又唔會馬虎，就算嗰日唔係去打卡，想食個飯都係一個唔錯既選擇👍🏻💕 - 🤍[👍🏻］味增蟹醬蟹籽蟹肉扁意粉$128 🤍[👍🏻］龍蝦湯配牛油果大蝦稻庭烏冬$128 🤍日本海鹽蜜糖甘薯條$65 🤍柚子蜜梳打$38 🤍玫瑰茉莉花茶$58 - 🤍[👍🏻］味增蟹醬蟹籽蟹肉扁意粉 ［滿星］⭐⭐⭐⭐⭐‼ ️ 👍🏻❗️係餐廳推介，果然唔失望！ 意粉配料有🦀蟹醬、🦀蟹籽、🦀蟹肉、沙律菜🥗、車厘茄、紫菜、木魚碎等。有哂3款蟹係到蟹味極濃😚，口感豐富，卡邦尼醬汁味重加上蟹醬，而且用到扁意粉，更加分，意粉好creamy好掛汁☺️。 . 🤍[👍🏻］龍蝦湯配牛油果大蝦稻庭烏冬 ［滿星］⭐⭐⭐⭐⭐‼ 依個餐既龍蝦湯同烏冬係分開上，龍蝦湯以鐵壺裝住，客人再自行倒落去，可能係避免怕客人拎既時候燙傷，倒岀黎個陣既溫度係微暖♨️，而且自己食先倒落去就唔怕紫菜/牛油果腍哂喇。 烏冬配料有4隻大蝦🍤、一整個牛油果🥑、沙律菜🥗、車厘茄、紫菜、木魚碎等。稻庭烏冬口感爽滑彈牙，大蝦爽口。龍蝦湯味道唔係濃到稠既質地，而係清甜龍蝦味，我反而中意依個味多啲😳，覺得清甜又健康啲。牛油果係浸湯之後就變微腍，建議倒湯前食左一半再試浸湯後口感，浸湯後牛油果入口即溶又充滿龍蝦味，個人認為幾好食🥳。 . 🤍日本海鹽蜜糖甘薯條 ［滿星］⭐⭐⭐⭐⭐‼ 依個真係我最愛❤️❤️👍🏻乜都唔食都好，都要食依個❗️🥰🥰甘薯條份量多到就滿瀉！(單獨照已比我食一半😂）整叫即整，熱辣辣😍！甘薯條係比較粗身，仲有連埋少少薯皮😍，粗得黎香脆甘甜，最後仲加番啲鹽調味😚，之後就係重點，甘薯條配既醬汁‼️醬汁係焦糖咖啡味，濃郁焦糖加咖啡味，好正🥰我平時係連茄汁都唔會配，依個醬汁我係成條浸哂落去，簡直係好食到我想叫佢比成兜我倒落口😂😂必食呀‼️‼️ . 🤍玫瑰茉莉花茶 ［滿星］⭐⭐⭐⭐⭐‼ 茉莉花茶味重，玫瑰味清香😍不停refill味道都冇變淡🥰🥰 - 環境：8/10 服務：9/10 好味指數：9.5/10 回頭率：9/10 - ❣️營業時間： 星期一至日：11:00-21:00 - 📍 不籽是咖啡 (油麻地) 油麻地彌敦道450號文豪閣地下D號舖 - #food #foodie #foodshare #foodblog #foodblogger #hkig #hkfoodie #hkfood #igfood #hkfoodblog #foodiehk #hkfoodblogger #hkigfood #fooddiary #hkeats #openricehk #ufoodhk #hongkongfood #852food #852foodie #放題 #相機食先 #香港美食 #食評 #香港食評 #食好西