✨東涌單車遊✨｜小白級親子單車遊路線＋ 遊漁村＆古蹟炮台＆侯王宮＆睇彈塗魚＋ 同場加映港式懷舊街市

#消費券攻略 #親子好去處 #星級作家5月驚喜 分享一條喺東涌適合親子一齊踩單車🚴🏻‍♀️嘅路線，沿途大多都係平路，而且鄰近商鋪及廁所等公共設施，非常方便補給，帶幼兒去都唔怕辛苦👍🏼！ 路線速覽：逸東邨租單車🚴➡️馬灣涌村🏞➡️東涌侯王古廟🏠➡️東涌炮台💣 1️⃣逸東邨租單車：喺逸東邨「東涌專業單車」有得租單車，時租$30，店員熟悉附近單車路線，有需要可請店員教路。 🚶🏻‍♂️地址：東涌逸東商場地下28號舖 2️⃣馬灣涌村：租完單車就可以出發，沿住逸東邨行到尾有小路入馬灣涌村。馬灣涌村係一個有好多年歷史嘅小漁村，喺呢度可以睇日落同埋艇仔，行到碼頭邊仲可以睇到成個東涌彎嘅風景。村裏面有一條寶安橋，橋頭有界石寫明係1969年落成。 3️⃣東涌侯王古廟：踩返轉頭穿過逸東邨，就可以沿裕東路去侯王古廟。古廟外邊有大草地，可以自由玩樂，行出海邊石灘仲可以睇彈塗魚。旁邊東涌區康樂中心外面仲可以影好靚嘅東涌壁畫。 4️⃣東涌炮台：出返裕東路過天橋可以去到東涌炮台。東涌炮台建於清朝，防禦牆可供步行，甚至可以行上半山俯瞰整個東涌。炮台緊連東涌公立學校同一個小型博物館，小朋友可以參觀遺跡之餘，亦可以喺周邊地區探險。 至此遊覽完三個主要景點，未到還車時間嘅可以再沿住單車徑踩多陣，欣賞其他東涌嘅景色。 ❇️同場加映－逸東邨香港街市：呢個街市係參照開埠年代嘅舊香港風格而建，可以睇到各樣特色嘅舊招牌、街招、景物等等。出發前後可以喺逸東商場補給同埋去洗手間，順便行埋個街市，影幾張打卡靚相！ ❤️想睇更多靚相同介紹，請即🔍鴕鳥媽自肥日常！❤️ #鴕鳥媽自肥日常 #親子出遊