打卡酒店 🏨 女生必定會喜歡！

📷🏨 The Murray美利酒店 （中環） 今次嚟到美利酒店，我諗好多人都唔陌生（應該有見過下啲相）一直都覺得佢個浴缸好靚！所以之前襯自己生日就同閨蜜去咗兩日一夜嘅staycation👩🏽‍🤝‍👩🏼 喺中環行過去大約15分鐘左右，不過最尾決定咗搭的士😂因為太熱同埋唔想行斜路 haha。我今次呢個package，係包一晚住宿，早餐semi-buffet同埋Dining Credit既，為返起上嚟好似兩千頭，大家可以留意吓！🌟🌟不過記得注意嘅係如果你係諗住住有浴缸嘅話，一定一定係第二平嘅酒店房開始先會有！！！最平嘅酒店房係企缸嚟嘅！ 當日大約3:00 check-in，人流唔算多，酒店設計好多都用雲石，靚🥰 上到房，比想像中大間，如果可以成班開party嘅話應該都好夠用😂 放低完野，當然即刻去地面打卡位影相先啦👀 個斜路都有幾個人喺度影相所以都等咗一陣，佢嘅設計真係好靚，因為佢前身係歷史嘅建築物嚟，樓底夠高點影都靚😎同埋佢係歡迎寵物入住，所以當日都見到好多狗狗🐶 影完相就即刻換咗泳衣去泳池！佢個時間係1小時一節（限聚令呀嘛）所以我整點就去咗！竟然一個人都冇！不過佢就得室內池，同埋都比較細。過咗冇耐已經有差唔多八個人喺度，如果想游水嘅真係唔係幾遊到。 然後我哋就落咗Popinjays食晚餐🥣 成間餐廳設計都好靚，我哋坐咗喺圓形卡枱，可惜燈就比較暗，唔係好影到靚相。嘢食就覺得不過不失，有啲後悔早知拎個dining credit食佢tea🥲因為我記得通常啲人都係嚟食tea 食完飯之後就返咗上房，原來我朋友一早講咗比酒店知我正日生日，所以佢哋酒店預備左小蛋糕🍰Room service個男生都唔錯～好主動咁幫我哋影咗幾張相先走，仲講咗句生日快樂🎂不過有啲失望嘅係，個蛋糕size係平時喺麵包舖食蛋撻再大少少嘅size，然後上網搵返啲評論先知原來嗰個係叫朱古力撻🫠如果係細細地嘅蛋糕會開心過一個撻，不過酒店送就冇咩所謂。然後打咗電話落去問佢會唔會有蠟燭比，佢嘅答覆竟然係：因為喺室內所以唔點得蠟燭，會火燭🤢Er…我住過咁多間酒店依度係唯一一間話唔提供同唔點得蠟燭😅同埋食生日蛋糕冇咗吹蠟燭嘅環節好似唔夠完整 第二朝起身🌞 我哋就落咗樓下The Tai Pan食早餐semi-buffet。可以揀一個Main，然後再出去拎嘢食。依間餐廳好食過夜晚嗰間！我對佢個早餐好滿意同埋性價比好高！啲嘢都好健康而且冇諗過咁西式嘅餐廳都會有幾得意嘅蘑菇包，同埋朝頭早都有蛋糕食😂 食完之後再落去飲左一陣相之後都已經12:00要check out lu~~~整體成個旅程都好開心嘅！題外話，冇諗過酒店啲lift係會成大塊鏡同埋有凳坐😂😂好特別 🌟🌟🌟🌟🌟 地址- The Murray 中環紅棉路22號 ❤️想繼續睇我更多分享，可以follow我，或者follow我Instagram👉🏻 kkkatkkk❤️ #性價比酒店 #本地遊 #香港好去處 #抵玩酒店 #hkfoodie