身處外國氛圍感｜元朗隱世高質西餐

之前喺荃灣愉景新城D•Park其實有見過呢間Chef Stage，宜家先知道元朗都開咗～而且呢間環境仲又大又靚！！佢係喺富達廣場嘅地舖 近馬路嗰邊 呢邊其實好少人行過嚟 所以環境比較清幽～一行到你第一下比我嘅感覺覺得好似去咗外國嘅餐廳啊😍 餐廳外圍有少量戶外座位，可以帶寵物，入黑之後飲下酒都好CHILL😍 首先要讚一讚呢度嘅餐前麵包🥯 絕對唔Hea～夠軟熟而有少少煙韌感，係我超鍾意嘅麵包質感呀 而且有個點麵包嘅醬都好好食 搞到我食唔停口🤤 前菜我哋叫咗凱撒沙律HK$88 加配雞胸+$38 其實凱撒沙律不嬲都係我最鍾意食嘅沙律款式🥗 呢度嘅味道都係調校得好好🧀佢係落芝士碎片 而唔係芝士粉㗎🙅🏻‍♀️ 大份又足料👍🏻 因為同行朋友唔食牛，所以Main我哋點左豬扒同羊扒，呢到嘅食物分量都真係好大份！而且味道同質素來講，其實呢個價錢真係唔算貴呢！☺️🙌🏻 下一次同其他朋友再嚟Encore 都要試吓呢度嘅牛扒先得🤤🥩 炭燒美國天然極黑厚切豬鞍扒 HK$268 炭燒紐西蘭羊鞍扒 HK$278 最後一定要提及特飲！本身以為西餐Cafe嘅特飲通常都麻麻哋～ 又或者應該叫Cocktail / Mocktail 先啱😹 但係我同朋友都唔飲酒 所以係叫咗朱古力特飲🍫🤣 我叫嘅一杯叫做【偽鴛鴦】(Tiramisu 口味) ☕️ 其實佢係特濃嘅朱古力奶底，再加入用咖啡雪成嘅冰粒🧊就會慢慢由最初嘅特濃朱古力～一路飲落去就會變成MOCHA咁🥰 第一次見呢種做法 好有創意🤣 而且真係好好飲呀！！！！🫶🏻 （已經有啲掛住你杯嘢飲～ 唔知有冇得就咁外賣呢🥹） 📍Chef's Stage Kitchen (西菁街) 地址－元朗西菁街23號富達廣場52-56號地舖 環境／設施－⭐️⭐️⭐️⭐️⭐️ 特色－⭐️⭐️⭐️⭐️⭐️ 人均價格－$4000 評分－⭐️⭐️⭐️⭐️⭐️ #hkfoodie #香港美食 #元朗美食 #高質西餐