大閘蟹餐

最近又去咗莆田開餐 莆田會因季節而推出唔同嘅餐單 適逢依家係食大閘蟹嘅季節 莆田推出咗非常抵食嘅大閘蟹套餐 其中最大嘅賣點就係 每隻🦀大閘蟹有五兩重 真係好吸引呀😆 🔸大閘蟹二人餐（A餐）$668 დ 蝦苗頭水紫菜 დ 清蒸大閘蟹（2隻） დ 莆田荔枝肉 დ 莆田扁肉湯 დ 興化炒米粉 დ 芋圓花生湯 呢個二人餐相當豐富，前菜、主食、甜品都一應俱全，當然唔少得主角🦀大閘蟹啦😆前菜係蝦苗頭水紫菜，呢道菜嘅擺盤相當有心思，用一條幼切嘅青瓜包住色澤亮麗嘅水紫菜，水紫菜口感嫩滑，因為落咗紅尾蝦苗，所以食落好鮮甜，非常開胃 食完前菜就到莆田荔枝肉，呢道菜之前食過都已經覺得好出色，今次再食都保持到水準，外皮炸得好香脆，亦食到淡淡嘅荔枝香味，咬落去都食到有肉汁，口感亦好鮮嫩😍跟住飲埋莆田扁肉湯，呢碗湯都可以話係莆田嘅名物，飲落好香紫菜味同肩肉嘅鮮味，好味到兩三啖就將佢飲哂 之後就到主角五兩重嘅🦀大閘蟹🤤入餐廳之前已經見到成盤大閘蟹擺喺門口，每一隻都好大隻好新鮮😍上菜時無縮到水，仍然好大隻，一打開爆哂膏，睇到流哂口水🤤食落蟹膏味香濃，蟹肉亦好鮮甜，點埋醋食就仲正😆 興化炒米粉相當大份，落咗好多唔同嘅配料去炒，分別有鮮蝦、蜆、蟶子、豆卜等等，足料到不得了，食落咸咸哋之餘亦食到海鮮嘅鮮味，米粉炒得好有鑊氣，非常惹味😋最後食埋芋圓花生湯作為甜品，芋圓煙韌彈牙，好有咬口，花生湯花生味香濃，係一道好好味嘅甜品😆 #cablfoodreview 食物：⭐⭐⭐⭐ 環境：⭐⭐⭐⭐ 服務：⭐⭐⭐⭐ （5星為滿分） 📍莆田 將軍澳唐賢街9號PopCorn商場1樓F94號舖 #hkfoodpic #foodstagram #foodiegram #foodiepic #foodporn #foodpic #foodphoto #foodshare #dinner #tkofood #tko #foodiehk #852food #putien #hkkol #吃貨人生 #莆田 #晚餐 #食評分享 #餐廳 #食評 #將軍澳美食 #美食日記 #相機食先 #將軍澳食乜好 #大閘蟹