紅磡超邪惡串燒店！

紅磡串門子 今晚去咗紅磡一間串燒餐廳食嘢，未去之前都有上OpenRice睇到餐廳門口有一級，去到門口比想像中困難，因為門口係面向住好窄嘅後巷，根本唔夠轉彎，幸好近店舖門口有一張枱，我部輪椅就泊喺旁邊食，輪椅啱啱好先駛入到條後巷，大多1吋都入唔到個後巷，真係好好彩！👍👍👍 搵解決方法都搞咗十幾分鐘，諗咩方法最好，又驚整壞輪椅，又唔想離開，附近又好似無公園坐，唯有堅持繼續去馬！ 襯住未有其他客人嚟，食快d走人唔好阻人，呢間串燒店好細，大約只能坐到十幾人，牆上又有霓虹燈同3個模型公仔，不過附近好多地盤，好彩鋪頭開5點，如果開早上實嘈死！ 由坐低到叫野食，再燒完遞上枱比我都係大約10分鐘，即叫即燒算好快，我哋叫咗7樣野食！ 1.超邪惡芝士燒茄子（條）$48（9/10） 呢條燒茄子真係好邪惡，又大蕭，茄子上面又放咗好多芝士，啖啖芝士搞茄肉就少，超好味！😋😋😋❤❤❤ 2.燒虎皮青椒$14（8/10） 呢串燒虎皮青椒我覺得唔夠辣，一串有5舊，食完唔夠喉，再叫多一串。呢個虎皮青椒夠大舊，所以無咁辣，都燒得好味！😋😋 3.邪惡芝士燒扇貝帶子（2件）$68（9/10） 呢個扇貝帶子真係超邪惡，都係放咗大量芝士， 扇貝帶子size ok，唔算細！❤❤😋 4.錫紙花甲粉$58（9/10） 呢碗花甲粉好抵食，入面都有大約20隻花甲，每隻花甲又無沙，粉係粉絲，粉絲索哂麻辣汁，辣得嚟又唔會好麻 ，超好食！😋😋😋 5.燒雞軟骨$14（8/10） 我係鍾意食軟骨，聽到咬爛d骨好療癒！😅😅😅 6.燒原味台灣腸$18（9/10） 一串一舊台灣腸，呢個腸食到有黑胡椒味，辣辣地好味！👍👍👍 7.燒五花腩肉串（2串）$26（7/10） 呢個五花腩肉串要趁熱食，凍咗會好硬，我嫌唔夠肥，如果肥d更好味！ 2人總共價錢$301，有加一服務費！ @hunghomhot 個人口味總評分：8.42/10 地址：紅磡必嘉街87號地舖 #串門子 #串燒 #香港串燒 #港式串燒 #香港美食 #紅磡美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong