情人節套餐不用$500😍😵

📍 𝐈𝐍𝐍 - 𝐈’𝐦 𝐍𝐨𝐭 𝐍𝐨𝐭𝐡𝐢𝐧𝐠 (裕民坊𝐘𝐌²) 情人節我男朋友要工作，冇得放假，所以跟朋友兩夫妻一天遊😻又係黎到裕民坊😆呢間餐廳我睇咗好耐一直好想去，因為上網睇啲人話打卡好靚，係一間田園風格嘅Cafe🌿店舖嘅周圍都擺滿左花同雕塑擺設，以白色為主題，到處都係打卡位。估唔到情人節餐廳仲出咗情人節套餐都幾抵食😋 🔸情人節套餐（13-15/2） 頭盤：蟹肉青蘋果沙律蕃茄清湯 呢個餐湯令我哋嘩嘩聲，至於點解睇圖你哋就知啦，竟然係粉紅色圍邊嘅凍湯，唔係太食得出粉紅色嘅係咩嚟，我自己覺得有少少好似紅菜頭咁嘅味道🧐，總之一句講晒就係覺得佢好特別啦！至於蟹肉嘅份量就非常之多，同粒粒青蘋果加埋沙律醬融為一體🥳係一個超級開胃嘅前菜😋 餐湯：帶子龍蝦湯 呢個龍蝦湯好似落重本，有少少龍蝦肉同帶子肉，個湯好香好濃，超級想嗌多碗😍 主菜1：澳洲豬鞍配砵酒車厘子汁&松露薯條 呢個豬鞍好巨形，切開嘅時候啲肉都係仲係粉紅色😍食落亦好香，有好多唔同嘅配菜，我最欣賞嘅係松露薯條🍟我嘅感覺雖然唔係好食到松露味，但係佢好甜，就好似番薯條咁😋 主菜2：澳洲草飼西泠配乾蔥紅酒汁&忌廉薯 賣相真係唔錯，切開嘅時候覺得都應該會好好食，中間仲係呈粉紅色，只可惜太鞋了😭有渣同埋有好多筯，切嘅時候都要用啲力，不過個乾蔥紅酒汁好特別同埋好好味😌，忌廉薯亦都係不錯👍🏻感覺上好似有多層酥皮加咗啲芝士咁☺️呢個價錢牛扒我都唔會太有要求，見到隔離枱落單嘅時候侍應有問佢哋要幾多成熟🤔可能我哋冇特別要求所以就煮得太過老😵‍💫 甜品：雙色情人馬卡龍朱古力布朗尼 有士多啤梨半碟加分，馬卡龍有兩粒，朱古力布朗尼唔會太甜幾好😚有埋甜品簡直覺得好完美😝 餐飲：$28內的餐飲免費啊，我哋揀咗梳打水❄️ 個人認為兩個人唔使$500已經可以食到呢個二人餐已經好抵，同埋好飽肚，用嚟打卡就啱晒🥰 🔸煙三文魚大通粉 $98 已經包左餐湯同埋$28內嘅嘢飲，今日嘅餐湯係我最愛嘅南瓜忌廉湯，有綿綿嘅南瓜蓉，忌廉味都幾重好creamy😍超級好味🤙🏻但係個大通粉太硬了，但係佢比一般嘅長通粉都大條好多，幾特別，個汁係蕃茄汁，每一條通粉都有滿滿嘅醬汁👍🏻與其話佢係煙三文魚不如話佢係熟左嘅三文魚，我又覺得佢幾好食😋嘢飲我就帶咗檸檬茶🍹 評分時間❣️ (最多五顆星，如不推薦會打交叉） 食物質素⭐️⭐️⭐️⭐️ 環境質素⭐️⭐️⭐️⭐️ 服務質素⭐️⭐️⭐️⭐️ 價錢💸:埋單$586 餐廳資料📋: INN - I’m Not Nothing (裕民坊YM²) 🕌地址: 觀塘協和街33號裕民坊YM² 2樓205號舖 想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie 如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩 #hongkong #yummy #foodie #hongkongfoodie #dinner #hkfoodie #香港美食 #delicious #tasty #food #followme #餐廳推介 #hkfoodklogger #hkfood #食好西#love #tagsforlikes #tagsforlikesapp#tflers #tweegram #photooftheday#觀塘美食 #觀塘美食 #foodie #hkfoodie #本地遊 #cafe