鑽石山｜日系文青cafe

📍𝗢𝗰𝗶𝗼 オシオ (鑽石山) 行街嘅時候見到一間好靚好靚嘅日系文青cafe❤️，而且仲有好多款甜品選擇，就決定入去試一試(˶‾᷄ ⁻̫ ‾᷅˵)!! 餐廳嘅環境佈置好簡約可愛，令人感覺好舒適。 𝑰𝑻𝑬𝑴𝑺 𝑶𝑹𝑫𝑬𝑹𝑬𝑫: ▪️奥斯蜜瓜雪山熱香餅 呢一款甜品係期間限定㗎，佢嘅賣相超靚超驚喜，有足足半個蜜瓜🍈，上面放上兩塊熱香餅同雪糕，仲會有少少蜜糖星星做裝飾，望落超可愛，啱晒打卡！🥞熱香餅蛋味十足，口感鬆軟，下面仲有少少蜜瓜味啫喱，好豐富！💚蜜瓜好香甜多汁，整體嘅味道偏清新，啱晒唔鐘意食太甜嘅你！ ▪️朱古力布朗尼窩夫 窩夫嘅份量好足，一共有四大塊，上面仲有朱古力布朗尼同一球朱古力雪糕，超豐富！🧇窩夫外脆內軟，味道好香，🍫配埋朱古力醬同杏仁片一齊食令口感昇華咗！朱古力布朗尼入面會有少少核桃，好有咬口，亦唔會太過甜同漏，🥰朱古力控必試！ ▪️宇治抹茶心太軟 心太軟一切開嘅時候超驚喜，入面超流心，😍抹茶醬好澎湃咁湧出嚟，而且抹茶味道好香濃，唔會有苦澀味，食落超幸福！ ▪️奥斯西班牙海鮮燴飯 除咗甜品之外，我哋仲點左一款主食~ 西班牙海鮮燴飯嘅材料好豐富，上面仲有一隻好大隻嘅蝦，🤤好吸引！燴飯偏硬身啲啲，食落好有口感好好咬，而且醬汁味道好香，估唔到連主食都咁出色🌟！ 𝑨𝑫𝑫𝑹𝑬𝑺𝑺: 📍鑽石山荷里活廣場2樓283-284號舖 Shop 283-284, 2/F, Plaza Hollywood, Diamond Hill #ocio #hkfoodie #foodiehk #hkfood #hongkonger #foodstagram #hkfoodlover #hkfoodstagram #hkigfood #hkfoodblogger #香港美食 #鑽石山美食 #hkfoodblog #hkfoodshare #hongkongfood