台北美味溫體牛火鍋😋牛本色溫體牛火鍋😍

講起牛，其實每個地方都有佢特式既牛可以食，好似日本有和牛，韓國有韓牛，其實台灣除左有紅燒牛肉面之外，仲有溫體牛😍雖然溫體牛係台南特產，但今次係台北都搵到一間好多當地人推介既溫體牛火鍋店，佢就係牛本色喇~~~ 餐廳裝修好光猛同乾淨，座位都好闊落，所以食野時都非常舒適，有個自助斟水區同自助調味區。餐廳訂位可以係網上預約，所以非常方便。 入座後，店員會先拎一碗新鮮既牛肉湯，當係一個welcome soup咁比客人品嚐一下啲牛同湯底，之後就可以因應自己需要點餐，佢地有套餐亦有散叫既菜式，熟食同火鍋料都任君選擇😉 今次叫左個4人餐試，包左6款牛同5個配菜，雖然價錢唔係任食，但套餐有既野絕對係物有所值，食得飽飽之餘仲好滿足😍每款牛食落口感都略有不同，但共通點都係一樣，非常juicy😋湯底係店員推介既厚白牛骨湯，帶點薑味，非常新鮮。 餐廳不定期會有唔同既promotion，今次係google寫食評就可以獲得一客芝士牛丸，哩個小食其實都有啲驚喜，估唔到淥完牛丸依然好juicy，咬開入面既芝士仲可以拉絲😍 食飽飽之後仲有個檸檬愛玉冰做甜品，可以解下食完火鍋後既熱氣之餘，又可以減低下罪惡感🤭 仲意食牛既朋友仔，人一世物一世，雖然價錢唔算平，但去得旅行，享受一下。食下好野都真係唔過份架😉 📍牛本色 溫體牛火鍋 106201台灣台北市大安區市民大道四段78號 #台灣必去打卡點 #溫體牛 #牛本色溫體牛 #台灣美食 #台灣旅行 #親子好去處 #台灣火鍋