好睇又好食😋

好耐冇見有人比說話我聽 約唔啱時間唯有喺佢落場嘅時候去食飯，去咗間新餐廳試吓佢 南蠻炸雞 $68 我想講連炸雞都有三文魚籽，好正。啲炸雞應該即叫即炸，食到好香脆好熱。 吉列玉子三文治 $58 其實呢個係我最期待嘅嘢食，吉列牛成日都聽到，吉列牛三文治都聽過，吉列玉子三文治真係第一次聽，佢令我意外真係幾好食，係外脆內軟嘅玉子，而且唔會話好油，味道就係平時食日本餐廳嘅熱玉子，面係脆同加咗麵包咁，但真係好特色。 味噌三文魚六野菜便當 $118 呢個係店長推介，佢用咗個便當盒放係成件事加分，唔好以為佢好少，其實都好飽肚。 餐牌話呢個係以均衡食物比例設計嘅，咁的確真係6樣蔬菜係幾健康嘅。便當有珍珠米，味噌三文魚，三文魚籽，抗氧化紫椰菜，汁煮日本甜南瓜，抗炎抗癌西蘭花，茄紅素爆標紅蘿蔔，自家種植車厘茄，醬油香菇。個便當咁多嘢真係好充足。 明太子忌廉烏冬 $88 又係我最愛嘅明太子，唔好問我會唔會好鹹，我想講佢個明太子唔會好鹹，而且上面有好多三文魚籽，係平時刺身食嘅三文魚子啊，兩樣嘢真係好夾好好食🥰 柚子檸檬撻 $48 超級鍾意食呢個，甜品來講佢唔甜，柚子味好香，而且成個撻好夾，又唔會好膩。 柚子白朱古力蛋糕 $48 超特別，佢係白朱古力面入面有柚子蛋糕，柚子味勁香濃，都係唔會好甜。 停不了的oreo $88 開頭有啲怕佢好甜，因為佢係ores,飲落竟然唔係好甜，有驚喜，上面仲要有冬甩，同埋好多朱古力配料，好睇好食又好飲。 士多啤梨奇遇記 $88 呢杯有驚喜，朋友表示好鍾意，佢唔會好似某間士多啤梨奶昔咁甜，而且唔會藥水味，上面都係有冬甩，同朱古力糖果嘅配料 兩杯嘢飲好睇又好飲，最緊要有得食又有得飲，仲要有得打卡。真係飽到飲完都食唔落，但真係好出色，佢嘅冬甩都幾好食，似麵包唔好睇佢上面咁多配料其實都唔會話好甜。 我想講呢間餐廳真係幾唔錯，有張類似千秋櫈嘅俾你打卡，而且環境都算舒服同大。最緊要食物靚之餘仲唔錯，仲喺南豐紗廠可以食完野行下。 #駐站作家#cafe#foodie#夏日搵食推介