摩登西班牙酒吧餐廳

呢間餐廳主打多款傳統西班牙菜式同當地風味嘅雞尾酒🇪🇸 💗伊比利亞白毛豬火腿 ($108) 白毛豬火腿色澤呈嫩紅色， 肉質柔軟細膩，肉味鹹香濃郁，帶油脂回甘🍖 💗鵝肝多士配無花果醬 ($48/ 件) 香煎鵝肝醇厚甘香，油香四溢，入口即化🦆無花果醬同新鮮無花果片中和油膩感，最後配上脆多士🥖 💗西班牙蛋餅 ($88) 蛋餅鬆軟富蛋香，表面焗至微微焦香🍳內藏少量薯仔粒同洋蔥🧅面層幼滑嘅蛋黃醬增加奶香，再灑上惹味嘅甜椒粉 💗蒜香白酒汁煮蜆 ($108) 蜆肉飽滿鮮嫩，可惜有幾隻有沙🐚湯汁帶香濃而不嗆嘅白酒味🥂有陣陣蒜香，更突顯蜆肉嘅鮮甜🧄 💗西班牙海鮮飯 ($268) 依足傳統做法，先將洋葱、紅椒同黃椒炒香，加少許香料將西班牙 bomba 米炒香，再以自家熬製湯底慢慢將生米煮成熟飯🥘飯粒飽滿有咬口，吸盡高湯精華，不過再乾身d就更好。最後加入新鮮本地沙白🐚、澳洲藍青口🦪同越南虎蝦🦐，鮮味十足 💗香脆乳豬 ($398/ 1/4隻) 乳豬先慢煮後烤焗，豬皮香脆鬆化，肉質軟腍嫩滑，充滿油脂香同肉汁🐖 💗Casa Delight ($98) 由血橙汁、桃同梳打調配而成，充滿鮮果嘅酸甜味🍹 💗Casamigos Sangria ($88) 由西班牙氣泡酒CAVA同各款鮮果調配而成，質地輕盈易入口，果香十足🍸 味道指數：😋😋😋😋 扺食指數：💲💲💲💲 環境指數：😍😍😍😍 💰人均消費：$101- 200 📍Casamigos 銅鑼灣駱克道487-489號駱克駅3樓 #本地遊#浪漫約會餐廳#這家酒吧有點cool#foodie#夏日搵食推介