【中環任食多款經典高質肉類 食肉獸必去精選餐廳】

今日介紹嘅呢一間餐廳位於中環蘭桂坊，餐廳嘅午市以自助餐嘅形式，中間部份設有salad bar，至於主食方面上菜形式比較特別，待應一大件肉咁拎去你張枱切俾你，而肉有好多唔同嘅部位，每次肉類都唔同。 枱面有一塊雙面牌仔，一面寫著「I am still Hungry」即表示想要繼續想食烤肉，店員就會繼續上菜，而另一邊「No more thank you」表示已經暫時唔需要。 🌟 DAILY HOT SIDE DISHES $158 + CHURRASCO PARA O ALMOÇO $90 上面本身嘅價錢已經包括左麵包、湯、parma ham、自助沙律吧、水果，嘢食都非常之豐富。我哋今次就另外加咗$90會有多款燒烤主菜任食。 待應會不定時拎住唔同款式同唔同部位嘅烤肉，例如豬、牛、羊、雞、肉腸等，然後會即刻切比你。而烤肉款式有 10多款，我相信大家每樣試一款都已經會好飽。 西冷牛扒五成熟，脂肪比較少同埋牛味較重，帶點筋位，牛肉眼肉質就較鬆軟細嫩。豬肉眼整得幾香口，肉汁頗多，豬肋骨惹味，肉質幼嫩。烤羊腿肉唔會有羊羶味。 📌Braza Churrascaria Brazilian Steakhouse @brazachurrascariahk 地址:中環蘭桂坊15-16號協興大廈3樓 🚇港鐵中環站B 出口, 步行約10分鐘 📍#中環#香港好去處 #foodie #本地遊 #cafe