📍香港旺角｜初芋 · 旺角必食人氣台式芋圓鍋😋

🥢 喺兆萬中心對面原來新開左一間甜品店，主打台式小食同芋圓鍋，見到芋圓鍋個menu已經忍唔住衝左入去食，地理位置咁方便，各位甜品愛好者去到旺角又多個選擇啦！ 👍🏻 除左芋圓鍋之外，餐廳嘅menu甜品款式包羅萬有，而且每一樣裏面都包含芋圓，例如蛋糕，雪糕，窩夫，除咗甜品仲有台式便當飯盒，小食拼盤同埋台式飲品，絕對適合三心兩意想試好多唔同嘅嘢嘅朋友 ✨ 冰極芋圓鍋 一個超霸氣嘅護院鍋，完全係100分足料，兩個人食都好飽，粗略估計裏面起碼有10種配料有多，除咗有三色芋圓，仲有白桃果凍＋荔枝果凍＋椰子布丁＋芋泥＋紅豆＋仙草＋椰果＋寒天珠＋桃膠＋蘆薈，今次我哋揀咗楊枝甘露底，因為全部配料本身食完都幾飽下，楊枝甘露嘅清甜清新可以減少飽肚感，個楊枝甘露好甜裏面仲有西米，芒果味好香濃 ✨ 青山抹茶綿綿星球 我覺得餐廳將呢個甜品個名改得好好，個冰真係好似一個星球咁有幾層唔同嘅Layer，首先面頭有一個燒到有微微焦糖味嘅現炙蛋白，然後個冰嘅面曾有3.6牛乳綿綿冰再加抹茶粉，而裏面仲有香濃嘅綠茶綿綿冰，綠茶啫喱同埋紅豆，成個甜品唔太甜但係綠茶味好香濃層次非常豐富 ✨ 分享大拼盤 超精緻台灣小食九宮格，分別有豬耳、鴨腎、鴨血、花枝丸、無骨鳳爪、雞蛋、豆腐卜、枝竹、蓮藕，每一款小食份量都適中，滷水味熬製嘅時間好足夠，因為每一樣小食食落口都會感覺到滷水味齒頰留香 ✨ 可可奇趣冰雪 估唔到一杯朱古力沙冰裏面加咗寒天可以中和到朱古力本身嘅甜味，令到成杯嘢唔會過於甜過於漏，加埋寒天同埋上面嘅朱古力脆脆粒好有咬口好有口感 ✨ 甘露椰香冰雪 主要係楊枝甘露加椰果，楊枝甘露比芋圓火鍋嗰個鍋底更加濃郁，朱古力嘅甜味更加突出，每粒椰果都超級大粒好似食緊啫喱咁去豐富左成杯嘢飲，令佢更加抵飲 食🉐指數 味道：🉐️🉐️🉐️🉐️🉐️ 環境：🉐️🉐️🉐️🉐️ 服務：🉐️🉐️🉐️🉐️ 抵食：🉐️🉐️🉐️🉐️🉐️ 📍初芋 (旺角) 旺角西洋菜南街2N號新江大樓地舖 ➖➖➖➖➖➖➖➖➖➖➖➖➖➖➖➖ #hkig #food #hongkong #hkigdaily #hkfood #hkeat #foodie #hongkongfood #yummy #hkfoodie #香港餐廳推薦 #香港食評 #香港cafe #香港好去處 #拍拖好去處 #放題 #甜品 #打卡 #美食 #旺角美食 #芋圓 #台灣小食 #綿綿冰 #抹茶 #楊枝甘露#親子好去處 #夏日搵食推介 #香港好去處 #本地遊 #炎夏好去處