📍香港荃灣｜阿荔車仔麵 · 40多種配料選擇🤩 不走傳統路線的新派車仔麵！

🥢 荃灣美食林立，每條街基本上都有美食，咁啱今日想食下車仔麵，見到呢間阿荔車仔麵嘅menu好多選擇而且唔係走傳統路線，有其他新式選擇，覺得幾特別所以決定試一試 👍🏻 餐廳menu選擇好豐富，淨係車仔麵配料都已經多達40種自由配搭，除左車仔麵仲有沾麵撈麵都係餐廳推介，餐廳整體上都潔淨 ✨ 車仔麵 配料：秘製牛筋牛肋腩，南乳豬手，辣玻璃魷魚，香滷豬大腸，麻辣牛腩湯配粗麵 今次特別試吓店舖推介嘅招牌車仔麵餸，據聞豬手牛腩等都係餐廳開業40年以來保持住嘅味道，牛腩好腍容易咬得開，好入味冇乜筋，魷魚好彈牙，豬大腸份量都幾多每一塊都好大件，滷水味亦都香濃，豬手熬製嘅時間好足夠所以肉質好淋好入味，粗麵可以選擇軟硬度，我建議如果想索湯入味啲，可以選擇叫「淋dd」嘅程度 ✨ 阿荔特濃沙嗲車仔沾麵 配料：日本溏心蛋，沙嗲魚蛋，肥牛配手工拉麵 手工拉麵好彈牙，嗰個沙嗲沾麵汁非常濃郁，尤其花生味好突出，所以每一樣配料點入去都會好掛汁，而且佢沙嗲味嘅辣度都好過癮好刺激 ✨ 黑松露單骨雞翼 單骨雞翼炸得非常香脆，裏面醃製辣辣地，黑松露醬好香，將雞翼點左黑松露醬之後成個味道昇華左，因為黑松露醬嘅香可以減淡咗炸雞翼嘅油膩 ✨ 白桃烏龍冷泡茶 既然食車仔麵咁龍尾，所以今次特登揀咗一樽藍泡茶去解一解來，冷泡茶裏面有輕淡嘅白桃味，唔會過甜亦唔會澀 ✨ 樽仔凍奶茶 奶茶係由餐廳特別調製，飲落去會感覺到比較重嘅奶精味，茶味比較淡 食🉐指數 味道：🉐️🉐️🉐️🉐️ 環境：🉐️🉐️🉐️🉐️ 服務：🉐️🉐️🉐️🉐️ 抵食：🉐️🉐️🉐️🉐️🉐️ 📍阿荔車仔麵 (荃灣) 荃灣大壩街41號地下6號舖 ➖➖➖➖➖➖➖➖➖➖➖➖➖➖➖➖ #hkig #food #hongkong #hkigdaily #hkfood #hkeat #foodie #hongkongfood #yummy #hkfoodie #香港餐廳推薦 #香港食評 #香港cafe #香港好去處 #拍拖好去處 #放題 #壽司 #西多士 #燒賣 #甜品 #食好西 #打卡 #美食 #荃灣美食 #車仔麵 #沾麵 #夏日搵食推介 #親子好去處