初嚐尼泊爾菜🍛有驚喜😋

話説真係第一次食尼泊爾菜，位於佐敦嘅尼泊爾餐廳 𝗧𝗵𝗲 𝗝𝘂𝗻𝗴𝗹𝗲 幾比到驚喜我😆餐廳設計以叢林做主題，有種異國渡假風情🏝️而且整體燈光偏昏暗，更易令人放鬆。 🥟尼泊爾餃子 $88 餡料有雞肉、豬肉同芝士可以揀，我哋揀咗豬肉，一半煎餃一半蒸餃。賣相吸引，每粒餃子大小一致，外型飽滿又皮薄😍煎餃好脆口，餡料有肉嘅鮮味，完全唔會乾。蒸餃保留嘅肉汁就更多，入口軟綿。配辣椒醬♦️更加惹味，必食菜式😋👍🏻 🍖燒烤豬肋骨 (全份) $260 豬肋骨份量不少，肉質嫩滑，醬汁甜甜地，好易入口，不會油膩，不知不覺就食晒成碟😋幼薯條🍟加了些調味粉更加惹味。沙律🥗醬汁甜甜酸酸，幾開胃。 🍛咖喱牛肉 $128 咖喱有幾多牛肉塊，肉質彈牙有咬口。咖喱混合咗蔬菜、芝士絲、蕃茄莎莎醬及牛油果醬，味道飽滿又豐富✨而且辣得嚟好惹味，香濃之餘，因為加咗蔬菜，又多咗份清新。配上軟墨西哥粟米薄餅好夾好味🤭 🍫朱古力心太軟 $68 上碟時已切開咗一部分，所以可以見到滿滿流心😍蛋糕口感濕潤，啖啖都係濃郁朱古力味，夠甜夠邪惡😝 🍚尼泊爾米布甸 $68 無諗過份量咁多，一大碗飯🤣作為熱食甜品，又幾夾幾特別。🍚米煮得綿密軟身，帶微甜，面層帶好香嘅花生碎。不過真係幾飽肚，以甜品嚟講要同人share先食得晒😂 Cocktail: 𝙒𝙚𝙡𝙘𝙤𝙢𝙚 𝙩𝙤 𝙩𝙝𝙚 𝙅𝙪𝙣𝙜𝙡𝙚 $90 杯身設計好有熱帶風情，一上枱就聞到陣陣煙燻味，原來係旁邊嘅雪茄係度燒緊，非常有特式。有Rum, Dark Rum, Absinth，酒嘅味道圓潤。配上青檸、百香果及葡萄柚，整體甜甜地，同水果同酒嘅味道好融合。推薦☺️👍🏻 𝙀𝙡𝙙𝙚𝙧𝙛𝙡𝙤𝙬𝙚𝙧 𝙋𝙖𝙡𝙤𝙢𝙖 $90 依款有龍舌蘭酒及金巴利酒。青檸、葡萄柚味道更突出，酸度再明顯些。配上自製嘅龍舌蘭蜂蜜糖漿，水果酸甜感中帶陣陣蜂蜜甜味，格外清新。 ——————————————————————————— 📍The Jungle 地址：佐敦廟街273-275號寶發大廈地下3號舖 ——————————————————————————— #thejungle #thejunglehk #尼泊爾菜 #nepalifood #nepalistyle #hkrestaurant #restauranthk #香港餐廳 #香港美食 #香港美食指南 #香港美食推介 #佐敦 #佐敦美食 #食評 #相機食先 #香港好去處 #吃貨 #吃貨日常 #相機食先 #hkfood #foodiehk #hkfoodie #hkblogger #hklifestyleblogger #hklifestyle #hkfoodphotography #hkfoodlover #hkfoodblogger #restaurantreview #hkfoodblog