任飲任食大滿足

預先book咗位於佐敦嘅熊本牛鍋為同事慶祝生日，餐廳主打和風海鮮雞煲火鍋放題，可以盡情任飲任食。 我地點咗澳洲和牛套餐送和風海鮮雞煲，可任食澳洲和牛、牛白肉、頂級牛小排、牛肩胛、豚肉、雞肉，有8種湯底可選擇；火鍋配料種類好多，其中最欣賞手工餃子，外形漲卜卜，口感肉嫩多汁。 和風海鮮雞煲上枱，大大隻鮑魚好吸晴，仲有鮮蝦、蜆，金菇，洋蔥、豆卜… 雞肉嫩滑多汁，鮮蝦美味爽口，醬料調配得唔錯，好惹味。食完雞煲之後，可以加豬骨湯烚下烚下啦。 澳洲和牛：外觀好吸引，雪花紋理清淅，口感鮮嫩多汁，入口即化，牛味好濃郁，我地encore左好多次。 牛白肉開頭有些抗拒，怕會好油膩，但食落幾爽口，原來都幾好食。 牛肩胛：肉質結實多汁，帶點嚼勁。 頂級牛小排：肉質細嫩牛味濃郁，油脂較豐富。 最後，食埋雪糕就大滿足啦，有士多啤梨、芒果、曲奇，一次過食咗4球雪糕，真系超級大滿足呀。 🔍熊本牛鍋 (永勝商業中心) (尖沙咀) 📍尖沙咀山林道21號永勝商業中心2樓A號鋪 #hkfoodie #hkfood #食評分享 #foodie #雞煲 #惹味 #海鮮火鍋 #鮑魚 #餃子 #任飲任食 #啤酒 #foodstagram #food #foodblogger #foodlover #foodiegram #foodpic #雪糕 #新鮮 #澳洲和牛 #和牛 #牛 #火鍋控 #火鍋放題 #鮮蝦 #雲吞 #佐敦美食