星空主題打卡餐廳 @ Staro

Starò (尖沙咀) 尖沙咀諾士佛臺1號9樓 呢間星空主題餐廳真係好靚，環境裝修十分浪漫，燈光柔和，一出𨋢槽已經見唔到Staro個招牌，大大個藍色星空燈牌，兩邊係立體半圓形嘅鞦韆吊椅，係個勁靚嘅打咭位。 餐廳牆壁上掛滿了星空同銀河的壁畫，一進入門就已感覺入左滿天星空世界，餐廳入面分為兩個區域，兩邊都係打咭一流，會訂位嘅時候同職員講聲係慶祝生日，可以要求安排星球卡位，枱頭就已經星光閃閃，真係好靚。 食物方面都好有誠意，手工闊條麵薄身得黎口感好好，餃子型Pizza夠特別，仲有得淋酒點火，又係啱晒打咭，最正係意式燒乳豬，份量雖小但好香好好味，肉質好嫩，外皮香脆，最加分係個蘋果蓉醬汁，微甜有果香，同個乳豬好夾。 每個月呢間餐廳都係設計一款星座蛋糕，為處女座帶黎唧係椰子菠蘿慕斯蛋糕，好香椰子味好正，中間仲加左新鮮菠蘿塊，中和返椰子嘅甜，更為蛋糕增添果香風味，賦予層次豐富的口感。 總括而言，呢度真係好適合打卡，同埋同朋友慶祝生日。 #打卡餐廳 #Staro