人均$2XX嘆盡龍蝦和牛火鍋放題

香港有不少高質台式火鍋放題店，牛站麻辣火鍋放題就是人氣火鍋之一，120分鐘任食任飲，提供多款海鮮、乳鴿、和牛和火鍋配料小食超滿足，環境乾淨企理，坐位寬敞舒適，最岩和一大班朋友飲飲食食，咁多款美食一定夾到所有朋友既口味，真心誠實推介！ 龍蝦頭湯底火鍋 必點！鍋入面真係有個龍蝦頭起個湯底入面，入口味道好鮮甜，和飲緊濃蝦湯一樣咁香濃咁好味～唔使額外再點調味料都好入味！ 美國安格斯牛板腱 牛肉油花分布平均，肉質較瘦，但鮮嫩多汁，中間透明的嫩筋口感Q彈有層次。必點 美國牛肩胛片 相比起和牛，佢嘅肉質比較堅實，有咬感，牛肉味香濃，都係必點！ 帆立貝 帆立貝鮮嫩多汁，口感滑嫩，浸起龍蝦湯底一齊滾，鮮甜美味 鮮甜沙白 沙白肉汁鮮甜細膩，配上龍蝦湯底，食落口更鮮甜！ 手包蝦肉雲吞 皮薄餡靚，內層包住超多蝦肉，蝦肉新鮮彈牙，必點！ 蛋餃 蛋味香濃，入面包住爽滑既豬肉餡，好好食！ 榴槤炸彈 榴槤炸彈外脆內軟，入口係超香嘅爆漿榴槤肉，口感軟滑，好好食！ 青提燒酒 充滿香甜嘅提子味燒酒，酒味比較淺，同一大班朋友一邊火鍋一邊飲酒，好正！ 芒果布甸 芒果布甸軟滑，入面超多芒果肉，細細杯剛剛好，好美味 芝士蛋糕 芝士蛋糕入口面滑，上層加入咗香脆嘅曲奇脆粒，甜而不膩，我自己好鍾意，食咗三個👍 榴槤糯米糍 好少放題店提供，外皮口感煙韌，內餡果肉濃郁，榴槤味超香，好讚！ Häagen-Dazs 平時食放題，通常都係每人一個Häagen-Dazs，呢間放題最正嘅係佢嘅Häagen-Dazs係任食！曲奇嗰款就好似食緊Oreo餅咁香濃，推介！ 洛神花茶 食咗咁多肥牛，梗係要飲番杯清爽嘅洛神花茶解膩啦，微酸嘅口感好開胃，養顏又健康！ #火鍋 #放題 #日式料理 #吃到飽