D2 place特色西班牙小酒館

《Rustico》 我好喜歡去D2 place睇戲，自然經常係附近覓食😋近來就發掘到位於D2 Place One一間西班牙小酒館Rustico。 由經曾係米芝蓮一星餐廳磨練廚藝嘅西班牙籍總廚Javier Pérez Freire主理，餐廳菜單揉合地中海及加利西亞地區色彩，更非常重視可持續發展性，因此特別採用受保護地理標示（protected geographical indication，PGI）嘅食材。 ✨鵝肝慕絲配⻘蘋果煙燻鯖⿂ 賣相好靚🥰頂層鵝肝慕絲幼滑而香濃、中間有煙燻鯖魚，再配合青蘋果薄片，整體味道配合得好好。配上嘅西班牙脆麵包脆餅，蘸上青蘋果醬汁好好味。 ✨伊比利亞黑毛豬蛋餅 蛋餅切開有微微流心感🥰中間仲有薯仔粒。蛋餅面嘅伊比利亞黑毛豬薄片非常香，令整件生色不少。 ✨⻄班牙蕃茄⽔⽜芝⼠沙律 水牛芝士配上清甜多汁西班牙蕃茄，清新開胃嘅前菜。 ✨招牌西班牙牛尾飯 用上12小時以高湯燉煮，完美帶出牛尾膠質，非常軟稔入味。米飯彈牙之餘，亦索哂高湯嘅香味，好滋味！ ✨傳統西班牙烤乳豬配香草焗薯 選用3至4星期大嘅小豬，以白酒同橄欖油醃製，慢煮12小時，再以炭火烤直至表面金黃酥脆。烤乳豬肉質嫩滑，難怪咁受歡迎。 ✨初榨橄欖油浸香蒜海蝦配香脆多士 呢個香蒜海蝦真係香口到不得了🤤多士可以蘸上有滿滿蝦香嘅橄欖油一齊食。 ✨傳統⻄班牙Churro炸脆條 西班牙菜點少得呢個甜品？外層炸得金黃香脆，再沾滿肉桂砂糖，再蘸上冰凍朱古力慕絲，外脆內嫩、外冷內熱，果然係必食🙌🏻 😋味道：8.4/10 💲價錢：8.2/10（約$2000/4人） ✨環境：8.5/10 🌈服務：8.4/10 🫶🏻推薦：8.4/10 📍地址：Rustico (荔枝角) 荔枝角長義街9號D2 Place ONE地下G01號舖 #rusticohk #rusticod2place #香港美食 #西班牙菜 #荔枝角美食 #foodiehk #相機食先 #美食推薦 #吃貨 #hkfoodie #hkkol #hkinfluencer #hklifestyle #majushare_food