🏮🏮@Sakeh

隱世串燒店Sakeh 位於尖沙咀與佐敦之間嘅天文台圍斜路上，門口木系裝修好搶眼，大大個洒字寫喺門口，明確地表示係一個飲酒食串燒嘅好地方，底層門口一打開，兩邊裝修係石屎場同埋綠色植物，然後有一條發光嘅長樓梯引領你到2樓嘅餐廳，裝修非常型格。 座位分布有普通座位，吧枱，仲有兩台好似雀籠嘅梳化座位，非常舒服，好適合兩三個人飲酒傾偈，打開Menu，基本上日本居酒屋有嘅食物都會有，以串燒為主，酒類飲品多如天上繁星，梗有一款啱你口味 🐔▪️雞皮 $ 76 用上新鮮雞皮，燒到卜卜脆，就好似食薯片咁 🐔▪️雞肝 $ 38 生熟程度啱啱好，口感好綿密，加上燒汁，好食 🐔▪️自家製免治雞肉軟骨 $ 48 雞肉軟骨爽口彈牙，仍然食到粒粒雞軟骨，配上 燒汁蛋黃，正 🐔▪️雞翼 $ 96 來自九州嘅雞翼，師父燒得好靚，皮脆肉嫩，鹽燒調味剛好，非常高質 🐔🦐▪️雞皮紫蘇蝦卷 $ 48 原隻鮮蝦爽口彈牙，配上脆脆雞皮和紫蘇葉，味道幾特別好食 🐮▪️厚切牛脷 $ 176 必食推介，牛舌厚身，燒得爽脆好Juicy 🐧▪️鵝肝 $ 128 大大件超級厚身，燒至外脆內軟，鵝油爆滿，蒜蓉多士完全吸收晒鵝油，邪惡但好好食 🦀▪️海膽松葉蟹蓋甲羅燒 $ 128 蟹膏海膽蟹肉燒熟之後味道好濃厚，配上脆卜卜嘅餅乾一齊食，不得了 🦪▪️南非鮑魚 $ 88 幾新鮮，肉質幾彈牙，食到鮑魚嘅鮮味 🐟▪️白鱔 $ 75 我最愛嘅燒白鱔，皮脆，肉質爽口彈牙 🫑▪️青椒仔 $ 56 食咗咁多肉係時候食菜，青椒仔爽脆清甜 🍙▪️燒飯團 $ 76 燒汁飯團，外層燒到好似飯焦咁，中間飯粒軟熟入味 🧀▪️芝士年糕 $ 48 當咗佢係甜品，食串燒食到最尾我一定會叫，年糕煙煙韌韌包住流心芝士，一定好食 🍶▪️清酒 店舖推介飲咗一款京都 [匠] 純米大吟釀，入口清甜，好容易入口，非常適合女仔飲，一邊飲一邊食串燒非常開心嘅一個晚上 🏛 Sakeh 📍尖沙咀天文台圍5-9號寶軒酒店地下及一樓 #sakeh #sake #清酒 #串燒 #串燒店 #高質串燒 #串燒店推介 #尖沙咀推介 #kol #foodkol #foodlovers #blogger #foodblogger #foodkol #food #foodie #foodlover #foodforfoodies #hkfood #hkfoodie #hkfoodblog #hkfoodblogger #hkfoodstagram #hkfoodpic #hkfoodie #foodguide #香港美食 #相機食先 #每天也要吃好的系列 #孤獨的美食家