粉嶺聯和墟高質型格酒吧餐廳

與同事去咗公司附近嘅一間酒吧餐廳dinner，餐廳環境闊落又舒適，好有空間感，放工係度chill吓都唔錯😌而且呢度仲可以包場搞event或party𠻹！ 🍕夏威夷薄餅（$118） 薄餅熱辣辣，雖然只有火腿、菠蘿及芝士三款材料，但半溶嘅芝士足以令人流晒口水，味道酸甜開胃，真係好惹味👍🏻 🥩香煎羊架(2件)拼澳洲(S級)草飼牛肉眼扒（298） 羊架及牛扒都帶炭烤味，味道好香😌羊架唔太騷，啱晒唔太接受到羊騷味嘅朋友；牛扒quality唔錯，不多不少煎至要求嘅七成熟，肉嫩唔韌，幾好食😋另配薯蓉、甘筍、粟米芯及沙律菜等，份量都唔少，呢個價錢一啲都唔貴👍🏻 🥣是日餐湯（跟餐） 餐湯係蕃茄湯，質感唔會好稠，酸酸地幾開胃，跟配嘅黑糖麵包都幾好食😋 🥗是日沙律（跟餐） 沙律菜加咗少少火腿，整體幾新鮮，配胡麻醬一定係perfect match👍🏻 🍮是日甜品（跟餐） 甜品係奶凍，味道唔太甜，質感幾滑身，味道OK😋 🍵有機純淨大吉嶺茶（跟餐+$20） 呢款係紅茶，茶香味濃，又可解膩，一大壺share埋俾朋友都夠飲。 🍹Passion（$68） 以荔枝、菠蘿、橙及檸檬等加梳打水調配，清新解渴且帶果香，好啱呢個天氣飲👍🏻 🥧梳夫厘（$58） 未食已聞到好香，有別於其他梳夫厘好快就收縮下塌，淋上雲呢拿汁又夾又好味😋 📍Good Times Restaurant And Bar 粉嶺聯和墟和豐街28號囍逸地下G06-G07A號舖 #instafoodie #foodstagram #hkfoodie #hkfoodies #foodiehk #foodblog #hkfoodblog #hkfoodblogger #foodexplorer #hkfood #hkiger #hkiggirl #hkig #foodiesofinstagram #foodblogger #foodpics #foodgrams #foodies #foodie #goodtimesrestaurantandbar #粉嶺美食 #聯和墟美食 #西餐 #粉嶺西餐 #扒房 #型格餐廳 #酒吧餐廳 #barrestaurant #這家酒吧有點cool