麻辣控必試！

《麻辣風雲 》 麻辣控又出動喇！今次去食近年冒起得好快既「麻辣風雲」，仲要係同我（鐘意濃味同無辣不歡）既老豆去🫢 環境幾靚，帶點古色古香，今次我地仲坐亭添🤣 前菜既麻辣紫菜花生同麻辣中華沙律（係，連前菜都要辣🤣）兩款都好好味！ ［涼拌雞絲粉皮］ 粉皮好爽，雞絲都好滑，加上青瓜絲同濃郁既麻醬拌勻一齊食，好開胃既前菜👍🏻 ［口水雞 - 中辣］ 份量都唔少。雞肉好嫩，配上中辣醬汁，惹味得黎又唔會得個辣字，仲有啲花生碎同芝麻，好香🫶🏻 ［酸菜魚 - 中辣］ 呢度既酸菜魚用上台灣黑魚片，口感好滑好爽口，基本上無乜骨。配上自家醃製既酸菜，酸味好夠濃。我老豆話要食中辣😳真係⋯夠哂刺激⋯😂當中仲有其他配料包括豆卜、萵筍、荳芽同薯粉，全部都好入味。如果薯粉可以爽返少少就完美喇！整體既份量都好多！ ［炸饅頭］ 以諸葛亮草船借箭一幕登場，仲要配合有煙😂咁有諗頭，值得一讚。 饅頭炸得金黃，就係擺耐左少少涼左仍然保持到口感。點埋煉奶食，無得輸（尤其係你食完咁多辣野🤣） 而家仲新增左會員制度，可以邊食邊儲積分，再換取不同優惠架！ 😋味道：8.5/10 💲抵食：8.5/10（約$600/2人） ✨環境：8.5/10 🌈服務：8.5/10 🫶🏻推薦：8.5/10 📍地址：旺角彌敦道628號瓊華中心10樓 #麻辣風雲 #麻辣控 #酸菜魚 #雞絲粉皮 #口水雞 #炸饅頭 #香港美食 #foodiehk #相機食先 #美食推薦 #吃貨 #hkfoodie #好物分享#foodstagram #hklifestyle #majushare_food