度假風打卡餐廳✨

餐廳氣氛好好，店內裝修行度假風，環境好舒適，仲有分室內同戶外座位，景觀開揚睇到維港景色，適合三五知己聚餐 ▫️KABOOM Sharing Platter $248 適合兩至三個人分享，籐籃入面好多款食物，有豬肉串、單骨雞翼、魚餅、米網春網同蝦棗，全部新鮮即整熱辣辣，仲附上泰式甜辣雞醬、乳酪醬同千島醬 ▫️Tom Yum Coconut Scallop Carpaccio $128 伴碟好精緻，薄切帶子刺身，加上冬蔭公椰子醬汁，感覺好新鮮同充滿泰式風味 ▫️Thai Lobster Sauce Strozzapreti Pasta with Lobster Tail $268 原隻龍蝦尾賣相好吸睛，醬汁充滿龍蝦同椰奶味，短捲麵口感彈牙，捲曲嘅形狀更容易掛湯汁，啖啖都食到香濃龍蝦味，份量都幾多呢 ▫️Massaman Curry Risotto with Sea Urchin and Hokkaido Scallop $208 意大利飯口感creamy，醬汁帶咖哩香氣，意大利飯配上咖哩味配搭新穎，加上有兩大粒帶子同海膽，用料豐富 ▫️If not now, When? $108 斑蘭味好獨特又突出，呢度嘅cocktail杯杯都好花心思，整到好似藝術品咁 ▫️Damn Pissed Off! $108 好浮誇嘅造型，以浴缸既形式呈現，側面仲伴住隻鴨仔，打卡一流！酒味易入口，甜甜地咁～ 🍴KABOOM 📍尖沙咀北京道12A號太子集團中心20樓 #kaboom #維港靚景 #rooftopbar #尖沙咀 #尖沙咀美食 #尖沙咀好去處 #報名5月酒店試睡員