香港迪士尼樂園高質食品介紹 🏰😍

見到好多人介紹迪士尼嘅遊樂設施同酒店 相信大家都對呢兩方面都有充分嘅了解💭 但感覺好少人有認真介紹過園內嘅飲食🍔 樂園飲食出名貴 想解餓解渴又唔知買咩好 身為迪士尼愛好者🏰 就等我為大家介紹香港迪士尼值得買嘅食品✨ 1. LINABELL 軟雪糕 ($56) 販售地點－美國小鎮大街 小鎮雪糕店 特色－雪糕味道係蜜桃牛奶味 質地偏向似雪葩 酸酸甜甜 味道唔化學幾開胃🍑 不過價錢偏貴 雪糕好快溶難打卡 為求消暑推薦一試 為左打卡就推薦買其他食品💦 2. 菠蘿雪糕沙冰 ($55) 販售地點－反斗奇兵大本營 特色－上面係菠蘿味雪糕 下面係菠蘿味沙冰 同樣地味道唔化學 甜度適中 消暑解渴一流 勁冰凍🍍 裝飾物係朱古力做 味道都唔錯 但建議留時間坐低慢慢飲用 以免太急飲引起頭痛🤢 3. 焦糖爆谷 ($42) 販售地點－園內大部分戶外攤位 特色－迪士尼CP值最高嘅食品 40幾蚊有一大筒 味道似外面嘅爆谷專門店 仲有膠袋包裝 食唔曬可以包住遲啲再食🍿 爆谷筒連爆谷一個大約$220 不定期推出唔同嘅造型 普遍都好靚 推薦大家買返屋企做裝飾🙌🏻 #foodie #香港食評 #本地遊 #香港好去處 #香港迪士尼樂園 #香港迪士尼 #迪士尼