《香港仔住家艇參觀 👀+ 舢舨體驗語音導賞團🎧》

《香港仔住家艇參觀 👀+ 舢舨體驗語音導賞團🎧》 自從「 #珍寶海鮮舫 」離開咗我哋之後，襯住「 #太白海鮮舫 」仍在嘅時候，媽媽一直都好想帶豬仔包去朝聖一下，因為唔知會唔會突然之間又同我哋告別講bye bye👋🏻。 今次媽媽同豬仔包參加咗Aberdeen Fishing Heritage Tour 浪遊漁港1773嘅語音導賞團🎧，首先會乘坐舢舨遊覽鴨脷洲漁港。舢舨內附設廣東話🇭🇰、普通話🇨🇳、英文🇬🇧同日文🇯🇵4個頻道嘅語音導賞。 我哋去到嘅時候，聽廣東話嘅就坐同一隻舢舨，而聽另外三個頻道嘅遊客就有職員協助，坐另一隻舢舨遊覽💨💨💨 聽廣東話嘅舢舨，只係得船夫👴🏻一個人負責，每位成人上船後都獲派一個耳機🎧，另外船夫確定小朋友夠3️⃣歲，就會額外再派一副耳機比小朋友聽導賞。 遊覽行程會經過香港仔海濱公園、香港仔中心、香港仔魚類批發市場、香港仔灣、鴨脷洲風之塔公園、洪勝古廟、船隻停泊區、鴨脷洲橋道、太白海鮮舫、海洋公園、FLOAT玻璃船同鴨脷洲造船廠🤩 沿途豬仔包見到不同類型船隻都非常有興趣，睇到嘩嘩聲，係咁問係咩嚟，攪到媽媽都唔可以專心聲導賞😅 整個語音導賞船程大約30分鐘，去到「 #太白海鮮舫 」前會停船比我哋慢慢影相留念，豬仔包顯得更加興奮😆。打卡📸打卡📸打卡📸 船一路行，我哋就一邊聽語音講解，對香港仔嘅歷史都加深咗了解，不過好可惜，當路過FLOAT玻璃船停泊位置時，船夫稱玻璃船咁岩去咗青衣維修🧰，我哋未能見佢一面🥺 完咗語音導賞，我哋就去到「 #香港仔住家艇 」參觀🤩 住家艇入面有個小型展覽，保留舊時住家艇上嘅設備同文物，等遊客可以了解多一點水上人嘅生活，仲有漁夫帽可以試戴影相添😆 不過最吸引豬仔包係船上嘅懷舊小食同飲品🧃，一坐低就係咁食🤣 最後逗留咗大約20-30分鐘左右，就回程番碼頭解散啦😊 媽媽覺得成個活動都唔錯，可以吹下海風🍃遊下漁港，睇吓船同日落，了解一下香港舊時嘅歷史，建議如果可以改為真人導賞會更好。 🌟若果參加午餐團，仲可以品嚐【粉艇】現煮美味嘅傳統魚湯【艇仔粉】添 🌈如果大家有興趣，可以去「浪遊漁港1773」或者「Trip.com」預訂😉 #親子 #親子活動 #親子活動好去處 #假日好去處 #導賞團 #語音導賞 #舢舨遊 #太白海鮮舫 #打卡 #日落 #海風 #香港仔住家艇 #懷舊 #小型展覽館 #香港仔 #香港仔好去處 #全職媽媽 #4y1m #豬仔包の開心日常