尖沙咀休閑下午茶之選

試伏心態Walk in咗入去呢間下午茶menu圖片好靚的餐廳，可以講係完全比圖片吸引咗入去食😂 雖然話去食下午茶，餐廳都有啲主菜食下 Meal set - Carbonara ($168) 呢個套餐有和風沙律+卡邦尼意粉+茶。沙律用咗芝麻醬，個人都偏向比較鍾意食芝麻醬。卡邦尼意粉配有溫泉蛋，意粉汁好creamy, 幼滑而且好香忌廉味，仲有麵包提供，可以浸汁食 Afternoon tea set - 4 sweets ($188) 可以自由揀四款餐牌上面的甜品，雖然話每款得半份，但係其實都食到好飽。今次食既係Strawberry scone shortcake/ Strawberry shortcake/ strawberry shortcake with praline cream/ scone. 無錯，都係叫左🍓因為佢今期seasonal既主題就係🍓😌 士多啤梨食落難免有少少酸，但蛋糕同鬆餅本身就整得好好食，夠晒軟綿綿同鬆化 Sweet fruit tea 味道酸酸甜甜，相信冇加糖落去，飲到原汁原味既水果香 Strawberry Darjeeling 聞落去好香士多啤梨味，可惜飲落口就有少少普通，大概只係有士多啤梨香的紅茶，但都不錯 Afternoon Tea TEAROOM 尖沙咀梳士巴利道18號Victoria Dockside K11 Musea B1樓B112B號舖 #消費券攻略 #cafe #熱門打卡餐廳 #本地遊 #foodie #夏日搵食推介 #駐站作家 #親子好去處 #香港好去處 #拍拖好去處