出菜時間都幾快，食物質素性價比高及多元化，早午晚下午茶及happy hour 既食物都有提供，值得一試🎉

🌟餐廳：G Bar 📍地址：尖沙咀梳士巴利道18號Victoria Dockside K11 MuseaB2樓O號舖 💰價位：～$100- $200 ⏰營業時間：星期一至日 11:00 - 22:00 K11 Musea B2樓層food court最近進駐左好多唔同菜式既新餐廳，岩哂係附近返工及行街既朋友仔黎呢度食個飯，順便飲返杯野🥳 今晚我就約埋朋友去呢間「G Bar」，主打西式小食、冷盤、意粉等美食，亦提供各式雞尾酒，夠哂多選擇💕 ——————————————————— 🔹水牛芝士蕃茄沙律 呢款沙律，賣相好靚，材料豐富🌟 蔬菜夠新鮮爽脆，上層放左好多蕃茄仔、水牛芝士，搭配埋意大利黑醋汁，食落酸酸甜甜，好開胃👍🏻 ——————————————————— 🔹意式凍肉芝士拼盤 性價比十足~一共提供3款cold cut 及4款芝士，份量都唔少，有驚喜😍各款芝士奶味濃郁，口感一流~Cold cut 就有parma ham 同Salami，味道夠咸香，做頭盤一流😌 ——————————————————— 🔹烤水牛城雞翼 一碟有6隻，雞翼夠哂大隻脹卜卜~水牛城醬汁夠哂酸辣，好惹味~雞翼夠厚身啖啖肉，食得好滿足🙆🏻‍♀️ ——————————————————— 🔹吞拿魚白醬蝴蝶粉 蝴蝶粉食落好彈牙，烹煮時間控制得幾好~ 我就最鍾意個白醬吞拿魚，加入埋芝士焗制，醬汁夠濃稠及creamy，大推🔥🔥 ——————————————————— 🔹檸檬冷泡綠茶 及 洛神花茶奶蓋 呢度連台式手搖茶都有得飲，夠哂多元化~ 兩杯飲品都大大杯，顏色調制得好靚~我就最鍾意洛神花茶奶蓋，味道帶點微微酸，解膩一流，再加埋上層creamy 既奶蓋，酸酸甜甜好滋味🎈 ——————————————————— 😋味道：4/5 🏢環境：4/5 💁🏻‍♀️服務：4/5 💵價錢：4/5 🤟🏻性價比：4/5 ——————————————————— 👅整體小總結 餐廳位於K11 Musea 地庫food court，環境寬敞，food cort 配置既座位又坐得舒適~ 食物方面，出菜時間都幾快，食物質素性價比高及多元化，早午晚下午茶及happy hour 既食物都有提供，值得一試🎉 #hkfoodie #香港好去處 #foodie