尖沙咀高質居酒屋

《嵐橋》 最近有啲想食日本料理，就去咗呢間位於尖沙咀樓高三層嘅日本餐廳！最底嗰層係主打丼飯，2樓及3樓嘅地方就有啲似日本居酒屋！ 去到餐廳都見佢人潮滿滿，我哋都等咗一陣先有位！望到餐牌，見到佢嘅食物種類都比較多同豐富！因為真係好耐都冇食過刺身，所以都叫咗三款壽司同埋一個刺身盛！ 🍡真鯛壽司HK$44 肉質比較軟綿，但食到有筋位！ 🍡油甘魚壽司HK$60 油脂味好香，魚質地有彈性！ 🍡帆立貝壽司 HK$76 好肥美好鮮甜，真係啖啖肉！ 🍡竹刺身盛 HK$428 呢款刺身盛包括左有6款刺身，而當中赤貝好脆好鮮甜，三文魚好厚肉好嫩，中拖羅油脂好豐滿，入口即溶！ 🍡鮑魚雞翼HK$78 呢個菜式真係完全比到我驚喜！雞翼本身燒汁已經夠哂入味，點知我咬到一半嘅時候，見到半塊鮑魚凸咗出嚟😍雞肉嘅嫩滑夾埋鮑魚嘅彈性，成個口感真係一流！ 🍡厚牛舌 HK$52 黑椒味好香，好香牛味，牛脷好厚好有嚼口！ 🍡明太子山藥 HK$38 我覺得黎呢間餐廳食飯嘅人，都一定要叫呢個明太子山藥！本身山藥比較爽口清甜，同時配埋明太子獨特鹹香鮮味，真係即時好食到想講OMG! 🍡黑松露帶子炒飯HK$138 當侍應一放低嘅時候，黑松露味飄過嚟，真係香到不得了！而且炒飯配料都幾多，除咗蘿蔔同粟米粒之外，仲有好多帶子冬菇😍😍 🔸🔸🔸🔸🔸🔸🔸🔸🔸 🍽 嵐橋 📍 尖沙咀 💰人均消費: HK$500 🕊餐廳傳送鴿： @ranbashi888 🔸🔸🔸🔸🔸🔸🔸🔸🔸 #ivykomenu #hkfoodie #foodie #hkblogger #hkfoodblogger #hkinfluencer #hkkol #hkfood #hkfoodlover #hkfoodstagram #hkigfood #hkeat #hkrestaurants #香港好去處 #食好西 #香港美食 #食評 #手機食先 #香港餐廳 #餐廳推介 #tst #tstfood #尖沙咀 #尖沙咀美食 #尖沙咀餐廳 #日式料理 #日本菜 #日本刺身 #燒物 #串燒