The Place「藏海尋味」自助餐👨🏽‍🍳

Coris Hotel The Place推出全新主題「藏海尋味」自助晚餐，引入青藏高原氂牛與藏羊，為食客打造一系列創意佳餚！ 氂牛係來自青藏高原嘅珍稀牛種，今次第一次食到，肉眼風味好獨特，外層焦香，肉質細嫩；藏羊同樣來自青藏高原，羊扒肉質鮮嫩而不帶膻味，值得一試！主題食物仲有青海有機藜麥牛肉羹，口感細緻滑溜，牛肉鮮香美味！ 🦀冰鎮海鮮區 重點必食區域！今晚食到北海道毛蟹、俄羅斯鱈蟹腳、龍蝦、即開生蠔、蝦、青口，個人最愛毛蟹同蟹腳，鮮味十足，而且全部refill得好快 🍣刺身及壽司區 當晚有六款刺身及多款特色壽司同卷物，刺身有三文魚、油甘魚、八爪魚、吞拿魚、甜蝦、同帶子，款式都算多 🥘中西熱葷美饌 多款特式美食～鐵板香煎鵝肝 、避風塘炒本地螃蟹、椒鹽魷魚、清蒸比目魚、西蘭花炒珊瑚蚌 、果皮蒸鮑魚、蒜香粉絲蒸扇貝等，款式應有盡有，當晚仲有兩款手工精製點心，番茄海皇餃和啤梨咸水角，賣相非常精緻可愛，忍唔住食左兩件 🍰甜品及雪糕區域 大大架MÖVENPICK® 雪糕車，可以食到雪糕三文治！甜品區域勁吸睛，多款賣相精緻嘅蛋糕，居然有班蘭D24榴槤雪芳蛋糕！！！榴槤迷最愛！！仲有士多啤梨杏仁撻 、熱情果香蕉牛奶朱古力脆脆蛋糕、椰子菠蘿慕絲蛋糕、榛子朱古力慕絲杯 、金桔番石榴布甸等，幾乎每件都想拎嚟食！！記得要留肚食甜品呀！ 🚩The Place「藏海尋味」自助餐 供應日期：2025 年 6 月 16 日至 8 月 31 日 🍴The Place 📍九龍旺角上海街555號香港康得思酒店L層 #香港酒店自助餐