大館附近嘅隱世Cafe

#香港隱世cafe 呢日喺中環搵咗呢間喺大館對面嘅Cafe，呢間咖啡今年仲贏咗咖啡特調冠軍㗎🏆 佢哋最近仲新推出咗五款圍繞咖啡風味輪嘅精品咖啡特調☕️ 咖啡 ♦️Hana花華 呢杯飲品嘅擺盤好特別，會發光可以更加睇到飲品嘅層次⭐️ 面頭嘅blackccino foam 用上偏fruity嘅咖啡豆製作而成，再加埋自家製香茅同蝶豆花嘅糖漿，飲品嘅base用上洛神花及玫瑰花茶🌹 整杯嘅味道帶點花香，飲落口幾refreshing。 ♦️Tropical 熱帶 咖啡師用上偏Nutty嘅咖啡豆整成cold brew，味道好特別，會有一香dark chocolate嘅味道☕️ 底下嘅layer有芒果果蓉、粉紅番石榴汁、椰子冰同埋風乾菠蘿片，呢個組合口感幾rich同埋有一種濃郁嘅果甜🍍特別鍾意杯中嘅椰子冰，慢慢融化會有不同層次，令飲品更有風味。 ♦️Mocha 見到咖啡師嘅用心製作拉花，而且圖案一啲都唔簡單🥰 呢一個mocha味道非常濃郁，朱古力味勁突出🍫 招牌豆腐三文治 見到係餐廳嘅signature就嗌份嚟試下😮 完全比呢份三文治驚艷到！外層用上厚身嘅多士，入面嘅材料有一件炸過嘅滑豆腐，椰菜絲，同埋最特別嘅是拉差辣椒醬👍🏻 個醬汁簡直係畫龍點睛，令到本來較淡味嘅材料都變得好突出🥪 非常推介大家嚟嗌呢一份飽肚嘅三文治。 明太子海鮮意粉 意粉嘅配料一啲都唔簡單，用上大大粒嘅帆立貝、香煎過嘅三文魚粒同埋面頭嘅三文魚籽🐟 底下嘅意粉，用上明太子去製作，整碟意粉都非常有鮮味🍝 呢度除咗飲品特別，食物出色之外，環境都很舒適，真係好適合過嚟打個卡同埋嘆個brunch👍🏻 📍C108 地址：中環奧卑利街15號地舖