2025年油尖旺區旅遊攻略：必去景點、熱門美食、酒店、交通路線（更新於12月）

呢排好喜歡食韓國野，前晚食完燒鰻魚，今次黎到尖沙咀韓國街，粉紅色招牌Hana 我揀左人蔘雞粥 Ginseng Chicken Juk $138配泡菜魷魚 & 蘿蔔 粥煲到好綿密，係我喜歡口感，非常搶眼既人蔘係正中心，海量既雞絲同埋紅蘿蔔，營養均衡。人蔘味濃郁，凍冰冰食番碗暖胃真係幾唔錯。一啖原味，一啖配泡菜魷魚，幾有咬口，一啖配蘿蔔微辣口感，一次過睇驗三種口味。 朋友揀左釜山魚糕烏冬 Fish Cake Udon $108 賣相吸睛，烏冬掛係筷子上，一大串魚糕，未食都覺得正。 湯底熱辣辣、烏冬彈牙，魚糕份量十足有咬口。 唔係幾夠喉叫多個蒸泡菜餃子 Steam Kimchi Mandu $78 大大粒好飽滿，咬開好多泡菜而且都幾辣，蘸埋個醬汁更惹味。 辣辣地叫左罐韓國米水飲下，甜甜地幾好飲。

Liberty Coffee & Wine² (旺角) 旺角登打士街2號地舖 呢間Cafe有兩間分店，依家喺旺角，另一間喺油麻地。 喺網上睇 Foodie 分享，我覺得旺角嘅設計靚啲，餐廳係一個轉角位，綠色既窗框相當吸晴，入面裝修以歐陸風為主調，打咭一流。廚房係開放式設計，仲有個好精緻嘅咖啡吧，成個環境都好靚。唯一唔好嘅係枱與枱之間都放得密密麻麻，比較逼夾。 食物方面，我幾鍾意個 All day Breakfast，樣樣野都有質素，蕃茄仔唔係Cheap野，炒蛋有松露醬，牛角包酥脆，薯餅更加係有驚喜到我哋另外追加多一份薯餅，佢有少少忌廉芝士西蘭花餡，好出色。最特別嘅係有兩條細細地嘅Churros，好味道。 甜品揀咗綠茶麻糬窩夫配開心果雪糕，都係呢間Cafe嘅必點推介。 #旺角美食 #libertycoffeeandwine

再次來到香江花月🫶🏻吃火鍋💗依然感覺驚艷 ！這次跟閨蜜來，除了吃也禁不住不停打卡🫶🏻喜歡這裏的優雅裝潢，以舊香江為佈置主題，整晚播放着滿有情調的音樂，吃火鍋頓時變得高雅萬分。 🔶 日本牛乳玫瑰鍋 精緻鍋底令人賞心悅目！鍋中兩朵以牛乳湯底玫瑰花，配以繽紛美艷的食用花💗湯底還有大木瓜，入口充滿牛乳香，用來涮牛也很搭配。 🔶香江併 人氣牛拼盤！大圓形圍著整個鍋邊，共有7款牛配料，包括有安格斯肥牛丶牛小腿丶牛柳粒丶牛白肉丶黑柏葉丶牛脷丶牛心頂。 牛控們可以一次過品嚐多款不同部位的牛。特別喜歡脂香滿溢的牛白肉，和牛味香濃的一口牛柳粒！ 🔶七色餃 賣相也是很漂亮！以古色古香的木架盛載着，共有7隻不同顏色不同口味的手工餃子，其中有蟹肉黑松露餃丶午餐肉粟米餃丶蟲草花餃丶和牛香茜餃等。每一款都皮薄餡靚，大大隻。 🔶飲品 這裏的飲品也很精緻。桃花緣來到的時候，服務生會打一個煙霧波波在杯頂，雖然幾秒就爆咗，不過，整個體驗好夢幻☺️入口桃味香濃，不太甜。而異世界賣相也很美。 📍 香江花月 地址: 佐敦佐敦道35號百誠大廈2樓 #香港好去處 #佐敦美食

早幾日同一位靚媽一齊享受一下me time，一齊傾吓育兒心得💞 。我哋都好鍾意食嘢😋，當然要搵間有質素嘅餐廳啦！ 一入門口就會見到一個巨型金色🤩嘅鳥籠可以坐喺入面打卡！🤳全場5500呎，有七間唔同嘅主題房間，大廳有大枱適合家庭，或者朋友聚餐，亦有古風配合香港主題設計的卡位。餐廳鐘仲見到一個台💃🏻🕺🏻，如果包場搞活動，仲可以安排👨🏻‍🎤演出添！ 打邊爐，最緊要食材新鮮，湯底要正👍🏻 🦞頭盤先嚟一個我最鍾意嘅😍龍蝦刺身，超級新鮮！佢哋有魚缸活養㗎！👍🏻當日嘅時價真係好抵！只需要😳$300幾蚊咋！😋個龍蝦頭仲可以掉落去滾湯或者加百幾蚊椒鹽！ 我哋揀咗一個幾特別嘅湯底 🍲胡椒老壇酸菜白肉鍋湯底 $188 （有好多白肉，好香嘅胡椒味、酸酸地好開胃🤤豆腐卜朔晒啲味，鍾意酸菜嘅你，一定會鍾意😻） 🍱配料用九宮格上，除咗豉油之外，仲有一款自家製的紅蔥油，特別香😌 🍡手打丸拼 $128 （好似一棵樹咁，上面仲有金箔⚱️同埋花🌺嘅擺設，好靚！又好好食！） 🥩手切安格斯牛小排 配上生雞蛋 $328 （廚房話呢款係當日最靚嘅牛！我係牛魔王🐮認真好食😋） 🐚桂花蚌 $128 好新鮮，我鍾意佢有個長方形嘅呢呢，放晒入去滾，唔會飄走曬！ 🟥 豬紅 $38 就係豬紅嘅味道囉😆 🍶花雕雞子 $108 淥完之後，都有淡淡的酒香 對於兩位女士👭🏻嚟講，真係好豐富呀！🤗 依家仲有🤩全單八八折，9:30後火鍋鍋底半價👏🏻👏🏻👏🏻 《Hot Pot 熱 •海鮮火鍋私房菜》 地址📍:九龍佐敦白加士街66號新寶廣場5樓全層 Address📍:5/F, Sino Cheer Plaza, 23 Jordan road, Jordan Hong Kong 📍新寶廣場 @hotpot.hot #hotpot #火鍋#小菜 #私房菜#佐敦#海鮮#刺身 #美食 #foodie #香港好去處 #香港美食 #hkfood #hkfoodblogger #美食 #火鍋

九爺牛腩 (佐敦) 佐敦佐敦道36號地舖 依家九爺牛腩喺尖沙咀漢口道嘅分店一向都好高評價，最近喺佐敦開咗新分店，呢隻咁啱過開嚟，一於試吓佢。 新店鋪面好光猛，好多卡位好整潔。唔使諗當然要試吓佢哋招牌嘅崩沙腩，肥瘦適中，少少爽口，份量都幾多，加$14轉咗魚面，好彈牙好有口感，湯底就比較清，不過佢個辣椒油幾香，加咗好食好多。另外一碗叫咗個牛雜走肺走腸加牛筋，亦即係牛肚牛磅牛筋，三樣嘢都做得幾好幾入味，粗麵略嫌佢煮得淋咗少少，但係整體都唔錯。 另外叫咗兩款麻辣小食，一個係墨魚鬆，$50 黎講份量少咗啲，咁麻辣汁都調得幾好味，我鍾意佢唔算好油膩。另一個係麻辣雞翼尖，個人認為如果再入味啲會仲好食。 整體嚟講，以油尖旺區平平哋想食個晚餐，我都會推介呢間九爺牛腩。 #hkfood #hkfoodie #香港美食 #九爺牛腩

#母親節就黎喇 小朋友們有咩手作安排呢～ 想唔想爸爸媽媽一齊親手製作特色禮物送給媽媽呢～ 今個星期六、日 Business MaMa Group - BMG 母親節特別呈獻 🌸「Mawafa」媽娃花心靈藝術花園 由 BusymamaBenny 余以辰 跟一班創業媽媽進行心靈藝術工作坊去製作今次藝術花園展覽中嘅作品 務求送上別具心思嘅藝術花園展覽比天下媽媽們👩🏻🧑🏻👵🏻🧓🏻 「Mawafa」正正代表 Ma 媽、Wa娃娃、Fa花 寓意着媽媽們透過創作及遊歷心靈藝術花園 以花語藝術貫連媽與娃嘅情感 大家可以透過展覽欣賞媽媽們嘅愛心作品 從而一齊學懂愛❤️懂得愛❤️欣賞愛 約定大家啦🥰到時見 ———————————————- 「Mawafa」媽娃花心靈藝術花園🌸 日期：2023年5月6-7日(星期六、日) 時間：早場 11:00am-3:00pm 、 午場 3:00pm-7:00pm 地點：九龍彌敦道204-206 號 Loft 206 1/F 門票： HK$40(大小同價) 工作坊套票優惠： HK$200/套 ( 包括：1大1小入場門票及成人、小朋友Me Time工作坊 ) #busymamabenny #活動策劃 #programmentor #Mawafa媽娃花心靈藝術花園 #遊樂花團 #專屬媽媽的藝術花園 #mawafa #BMG創業媽媽會 #BusinessMamaGroup #BMG #媽媽會 #metime #母親節 #母親節活動 #母親節禮物 #lcty玩誌 #親子好去處 #假日好去處 #親子活動 #hkkids #hkbaby #hkbabyboy #hkfamily

4.29#全港戲院日 一日限定的$30戲票，將於4月27日早上11時後，陸續於各大戲院票房及網上售票網頁公開發售。揀左睇咩戲，當然要睇埋附近有咩醫肚啦！ 九龍站向來係高檔嘅購物和飲食中心, 圓方戲院旁邊嘅Alimente, 地方清潔又舒服, 食品也同樣注重衛生和健康, 價錢也很合理, 餐廳的食物還可拎入餐廳旁邊的戲院進食。 Power bowl是這裡的招牌食品, 生酮素食也是飲食潮流。 生酮素食Power bowl 賣相很吸引, 色彩豐富。綠色嘅牛油果, 西蘭花和青瓜. 紅色嘅紅菜頭, 車厘茄和紅椰菜, 黃色嘅雞蛋和白色嘅磨菇椰菜花 ,口感有多個層次, 加上紅米和糙米飯, 飽肚又健康。 紐西蘭肉眼扒 原厚肉眼肉質嫩滑又多汁, 烹調火候啱啱好, 牛肉味香濃。 炸物拼盤 炸雞相當脆口, 特製調味很惹味, 洋蔥圈香脆清甜,香脆薯條香口又鬆化。 冰糖雪梨果茶甜度適中, 冰涼又潤喉。 #Alimente #西式餐廳 #尖沙咀 #生酮素食 #powerbowl #內地通關 #親子好去處 #alimentehk #hkfoodie #foodporn #hkfoodblog #foodies #foodiehk #instafood #hkfoodporn #foodblogger

喺太子想平平哋食個lunch，揀咗呢間潮興園，係裝修比較新派嘅潮式粉麵店，光猛乾淨企理，牛腩檔口切於店內，有別於傳統。 叫咗一個崩沙腩牛筋河，賣相非常靚，牛筋好軟淋，夠晒入味！崩沙腩口感一流，肥瘦均勻。 另一個試咗招牌嘅魚蛋粉，魚片同手打魚蛋都好彈牙，亦有魚味，加啲辣椒油，簡單而美味。 呢度有炸魚皮同炸魚骨兩種選擇，魚骨厚身更脆更滋味。單點一碗韭菜水餃，亦都好足料好唔錯。 有時咁樣食一餐平平哋，快靚正！其實都可以好滿足好開心。 #foodie #hkfoodie #hkfood #香港美食 #魚蛋粉

地址：太子荔枝角道104號地舖 港鐵太子站C2出口,行約4分鐘 雖然見到好多評語都話呢一間特色小店嘅定食套餐好抵食，但係我哋今次嚟係散叫嘅，因為睇中咗佢個刺身拼盤☺️點知我哋我想叫嘅時候，店員話刺身/魚生要等半個鐘先至有😨不過佢都有同每一台客人講唔好意思，而且一返貨亦都有即刻同各位落返單，服務態度幾好嘅。 咁所以我哋就食住其他野先啦。點咗一個炸雞軟骨，正常發揮。燒牛舌唔算好厚身，但係燒得啱啱好，彈牙爽嫩有肉汁。燒三文魚水撥上枱嗰下有少少嚇親我，咁長都有嘅🤣 我以為剩係得三文魚鰭嗰個位，點知佢連埋成條邊腩，油脂感爆燈，性價比超高！ 大約等咗半個鐘，終於有刺身啦！一份細嘅雜錦刺身盛$228，有四片三文魚，兩片油甘魚，四片帶子赤蝦兩隻北寄貝四片，海膽同埋魷魚兩片。全部都都幾高質，海膽亦都鮮甜美味，非常抵食。 最後重點要推介：火炙左口魚邊壽司！$38/2件，嗰日左口魚成間屋咁，完全覆蓋晒成粒飯，左口魚邊嗰種油香，不得了！超級好食！ #hkfoodie #hkfood #foodie #太子美食

秋千.在 (佐敦) 佐敦文蔚街23號文苑樓地舖 港鐵柯士甸站A出口，渡船街西/文匯街方向 營業時間： 星期一：休息 星期二至五：11:00-21:30 星期六、日10:00 - 21:30 Swing.at 係一間小本經營的Cafe，主打自家新鮮製作bagel。小店以墨綠色為主題，代表著自然舒適和溫暖感。店舖雖小，但食物全都是誠意之作，店內更有一個很吸引的打卡位, 是充滿少女心的粉藍色鞦韆，後面還有一個粉紅色的霓虹燈招牌。 我地兩個人叫左一客松露薯條，兩份Bagel，一個意粉同一客牛角酥窩夫，好在份量都唔係好多。 香辣秘製糖漿脆炸雞配竹炭Bagel 幾好食，可淋上自家調製的甜辣蜜糖漿，竹炭bagel口感煙韌紮實，充滿嚼勁，而脆炸雞的炸粉都是店主親自調配的。 煙三文魚牛油果蕃茄他他配原味Bagel，呢個就冇乜特別，而且呢個bagel好似比起竹炭嘅更加硬，加上佢啲餡料全部都係軟身，呢個相信轉返做漢堡包會好食啲 冬陰辣蝦卷心粉亦用上自家製creamy醬汁，濃濃的冬陰湯味不會太辣，卷心粉煙煙韌韌的很掛汁。而辣蝦很鮮味，爽口彈牙 甜品試咗個檸檬批牛角酥窩夫，比起想像中冇咁重檸檬味，少少甜少少酸，食落係幾清新嘅。 呢間小店會定期推出一啲期間限定口味，例如會有鹹食嘅牛角酥窩夫，有機會我都會想黎試吓。 #foodie #hkfoodie #hkcafe #swingat

舖面面向西貢街，人來人往，不停見到有人買，仲排咗陣隊先買到傳統甜品嘅外賣小店，門面簡潔、整齊，傳統甜品每日新鮮製作，高質甜品，平民價錢又抵食 作為甜品愛好者嘅我，傳統甜品真係特別鍾意，甜品款式特別多，今次就買咗以下9款甜品，每款份量都好足料，又香滑又好食，真係食到停唔到口 樽裝甜品，揀咗兩款，一款係裝到滿瀉，份量超足料嘅 [ 桃膠楊枝甘露 $38 ] 加入咗桃膠嘅楊枝甘露真係第一次見，香甜嘅芒果，份量多、大大粒煙韌西米，又香又滑，滋陰養顏，濃濃郁郁嘅香味，味道仲唔會過甜，必食推介 另外樽裝甜品仲有 [ 美顏三寶 $28 ] 一樽就有齊哂口感煙韌嘅桃膠、雪燕、雪蓮子同紅棗，夠哂健康，食落口感豐富有層次，真係夠哂滋潤養顏 香濃嘅 [ 椰汁西米紫米露 $20 ] 外附一小包椰汁，椰汁味濃，西米通透Q彈口感，紫米口感較黏。分開上下兩層嘅 [ 綠茶紅豆凍糕 $15 ] 綠茶味香濃，口感夠幼滑，紅豆夠腍。超多紅豆嘅 [ 缽仔糕 $8 ] 賣相吸引，豆香夠腍，有種庶糖嘅清甜味，口感煙韌 濃郁薑汁味嘅 [ 黑糖薑汁糕 ] 黑糖芳香，口感煙韌，味道微甜。[ 紅豆糕 ] 紅豆夠腍，口感煙韌，夠幼滑，甜度唔會太甜，口感豐富。除咗以上兩款，仲有紅棗糕、馬蹄糕、綠豆糕、芝麻糕、椰汁斑蘭千層糕、眉豆糕及椰汁桂花糕都可以任意配搭，$20 就有3件，真係好抵食 食落口感彈牙煙韌嘅 [ 芝麻卷 $28 ] 特別之處，卷住好多芝麻在內，真係好少見，食落有超香濃嘅芝麻味，必食。打開個盒蓋，已經聞到香濃椰香味嘅 [ 椰汁斑蘭卷 $28 ] 口感彈韌，微甜好味 龍媽媽糕點 佐敦偉晴街81-87號翡翠閣地下H號舖 #龍媽媽糕點 #中式糕點 #傳統甜品 #糕點 #甜品 #中式 #懷舊 #港式 #外賣店 #佐敦美食 #西貢街 #foodie

📍新沙洞大排檔 (大角咀) 各位韓迷都一定已經有注意過呢間喺大角咀新開嘅餐廳 - 新沙洞大排檔~😻 呢間走韓式新派復古風嘅大排檔其實係「新沙洞澡堂」嘅姊妹店，裝修運用咗而家韓國最hit嘅New Retro做主題，超色彩繽紛💙💜，室內有唔少打卡熱點，猶如置身於韓國大排檔咁🇰🇷，超有特色，夜晚好多人仲好有氣氛！ 𝑰𝑻𝑬𝑴𝑺 𝑶𝑹𝑫𝑬𝑹𝑬𝑫: ▪️辣巨無霸海鮮軍艦鍋 ($388) 叫得做巨無霸，當然份量都有返咁上下！😍海鮮軍艦鍋嘅賣相超吸引，多款新鮮海鮮整齊咁擺放住，望到已經流晒口水！海鮮種類超豐富，包括有蠔🦪、蝦🦐、青口、蜆、扇貝，另外仲會有多款配料，如泡菜、豆腐、翠玉瓜、雞脾菇等~ 上枱時會跟埋一個爐仔，確保我哋飲嘅時間一定熱辣辣！湯嘅辣度唔算超辣，但好惹味，🥰呢個天氣飲啲熱湯即刻成個人舒服晒！ ▪️韓式水冷麵 ($98) 水冷麵嘅口感好爽彈，富有嚼勁，🤤而且佢嘅醬汁酸酸甜甜咁，食落好清新好開胃！ ▪️新沙洞炸雞半份 - 柚子味 ($88) 第一次試柚子味嘅炸雞，估唔到咁有驚喜！😚炸雞嘅外皮好香脆，炸粉唔會太厚，🍗而且內裏嘅雞肉好嫩滑多汁，外層嘅柚子醬味道好清新✨，酸酸地咁好開胃，好鐘意！ ▪️草莓牛奶配蜂巢特飲 ($88) 呢個飲品嘅賣相好可愛，相信各位女仔都一定抗拒唔到咁pink pink嘅草莓牛奶🍓🍼！除咗賣相好靚之外，佢嘅味道都好好飲好香甜！呢款飲品係二人份量嘅，份量都好多。最特別嘅係飲品有原粒蜂巢蜜，落完牛奶之後調校返自己鍾意嘅甜度。如果覺得海鮮鍋辣嘅話，飲呢個仲可以幫助解辣！ ▪️脆炸韓式紫菜卷 ($58) 紫菜卷炸得好香脆，入面包住咗好多韓式粉絲，調味雖然清清地咁，🤩但都好香好好味！ 𝑨𝑫𝑫𝑹𝑬𝑺𝑺: 📍大角咀大政街10號地舖 G/F, 10 Tai Ching Street, Tai Kok Tsui #新沙洞大排檔 #hkfoodie #foodiehk #hkfood #HongKonger #foodstagram #hkfoodlover #hkfoodstagram #hkigfood #hkfoodblogger #香港美食 #大角咀美食 #hkfoodblog #hkfoodshare #hongkongfood #情人節好去處 #新年好去處

📍𝗛𝗔𝗡𝗗𝗦 - 𝗖𝗿𝗮𝗳𝘁 𝗕𝗲𝗲𝗿 & 𝗠𝗮𝗴𝗶𝗰 (太子) 今次嚟到太子一間超有特色嘅酒吧餐廳，佢除咗有多款酒類同特色手工啤外，最特別係會有駐場魔術師作表演🦹🪄，不過可惜今次去就撞唔正駐場時間，下次會再mark返時間去睇魔術show!! 𝑰𝑻𝑬𝑴𝑺 𝑶𝑹𝑫𝑬𝑹𝑬𝑫: ▪️瑞典肉丸竹炭漢堡 ($128) Burger好厚好足料！😍肉丸嘅味道好香濃，無諗過原來放落漢堡包到會咁驚喜，食落仲好juicy!! 🍔漢堡包好香牛油味，入面仲夾咗好多菜菜同2大塊芝士，超滿足！ ▪️黑松露鳳尾蝦忌廉意粉 ($128) 意粉嘅賣相好靚靚，🍝意粉嘅黑松露味道好香，而且口感剛好，軟硬適中。配料方面有蘑菇同大大隻嘅蝦肉，🦐蝦肉好新鮮，而且口感爽彈！ ▪️即炸鮮薯片 配手製他他醬 ($88) 呢款小食超有驚喜！🥔薯片係以原隻薯仔新鮮即製嘅，廚師嘅刀功好了得，每塊薯片都勁薄身，炸完之後好香脆！而且調味唔重、唔食食落覺得好油膩，🥰感覺都冇咁邪惡，配埋佢哋自家製嘅他他醬，口感好清新開胃，超美味！ ▪️𝐒𝐭𝐨𝐧𝐞 - 𝐖𝐚𝐭𝐞𝐫𝐦𝐞𝐥𝐨𝐧 𝐋𝐢𝐦𝐞 ($88) 如果你都同我一樣唔太鍾意飲啤酒嘅，以下介紹嘅呢兩款水果氣泡酒就啱晒你啦！首先第一款係西瓜🍉同青檸味，好容易入口，有淡淡嘅西瓜香味，👧🏻女仔實會鐘意，味道酸甜，好清新！ ▪️𝐌𝐨𝐨𝐧 𝐃𝐨𝐠 - 𝐓𝐫𝐨𝐩𝐢𝐜𝐚𝐥 𝐂𝐫𝐮𝐬𝐡 ($88) 第二款水果氣泡酒嘅果香會比較突出，入面有熱情果、芒果、橙子、菠蘿四款水果，😋味道好香甜，感覺好似飲緊果汁咁，好鐘意！ 𝑨𝑫𝑫𝑹𝑬𝑺𝑺: 📍太子大南街27-31號富威閣地下1-2號舖 Shop 1-2, G/F, Fortune Court, 27-31 Tai Nan Street, Prince Edward #HANDS #hkfoodie #foodiehk #hkfood #HongKonger #foodstagram #hkfoodlover #hkfoodstagram #hkigfood #hkfoodblogger #香港美食 #太子美食 #hkfoodblog #hkfoodshare #hongkongfood #情人節好去處 #新年好去處

今次去一間佐敦嘅居酒屋，非常日式，食食吓飯阿爸話過兩個月想去轉日本旅行😂 活北寄貝，$280 佢最正係有啲即日新鮮空運到港嘅刺身，有成條伊佐木、赤目張等，仲有幾款貝類，我哋揀咗活北寄貝，佢價錢唔平，不過值得一試，好鮮甜好爽口，真係好新鮮☺️ 刺身 另外我哋叫咗三款刺身，三文魚、帆立貝、甜蝦，三款都好味，尤其係帆立貝，好甜，三文魚都好肥美，正😆 壽司 又係想試少少佢嘅壽司，所以叫咗蟹籽.($38兩件)同埋池魚($48兩件)因為呢兩款係冇刺身嘅，所以想食就可以選擇做成壽司，都係唔錯嘅選擇。 串燒，各$28 叫咗兩款串燒試吓，羊肉同豚肉荔枝卷，兩樣都好香，羊肉嘅香味未食已經聞到。豚肉荔枝卷一定要試呀，好特別呀，酸酸甜甜嘅荔枝，可以解豚肉嘅膩，非常清新👍🏻 田樂豆腐，$48 呢個係我嘅最愛，最後先上，一定要趁熱食，非常香口，佢上面層醬係麵豉醬，甜甜哋，非常好味😍 炒什菜 ，$58 炒什菜都好豐富，成日食肉點都要食返啲菜，又健康又好味。 日式煎餃，$68 有六隻大大隻嘅煎餃，同喺日本食到嘅一樣咁好味。 餐廳非常日式，而且每日有新鮮海鮮空運到港，想食好嘢記得嚟試吓啦☺️ 而且有好多優惠，例如$18一隻嘅生蠔，我哋梗係唔執輸啦，叫返半打試吓☺️ #日本料理 #新年好去處 #香港好去處 #佐敦 #居酒屋

俾我喺佐敦搵到一間抵食又chill嘅酒吧😍佢位置雖然一般，不過食物、環境、酒類飲品都好唔錯。而且依家happy hour時間大部份食物有半價，非常抵食☺️ 我哋叫咗幾份嘢食，同埋兩杯Cocktail。首先上嘅係小食拼盤，好豐富呀，3隻雞翼、3件腸腸、2件大大件嘅炸芝士同埋幾件炸洋蔥圈，半價之後先$84咋，好抵食☺️ 之後又係炸嘢fish and chip ，佢嘅炸魚整得好好味，尤其層皮，凍咗食都仲脆㗎，份量比想像中大好多，兩條大大條，先$74咋，一定要叫嚟大家share食呀👍🏻 最後點咗份意粉，雖然冇半價，但價錢都非常合理。意粉有雞肉、菇 同埋 秋葵 ，比較清淡同健康，食咁多炸嘢食返個健康啲嘅意粉都唔錯。 cocktail選擇勁多，我哋要咗杯好靚好啱打卡嘅candy bear，佢主要用volka，加埋幾款果汁，最特別係上面嘅啫喱，酸得嚟好特別。另一杯好多水果嘅 sweet tea sangria，呢杯冇咁甜，用rum同白酒，加上幾種水果，非常清新。兩杯都值得一試，happy hour每杯都係60至70不等，而且份量比普通酒吧大份，非常抵飲😊 #佐敦 #酒吧 #新年好去處

地址－佐敦西貢街23號彩鴻酒店一樓，對面便是彌敦道永安百貨。 環境／設施－濃濃的美式鄉村風情，夜晚仲有駐唱🎤歌手 特色－生蠔🦪專門店，落單一打送一支紅酒🍷🍾或白酒，如果即場不想飲用，還可以選擇拎走，另有多款牛扒🥩意粉🍝及即製甜品🍩🍰，厨師會在你面前即場烹飪。 人均價格－$500 評分－85/100 #生蠔 #法國蠔#南非蠔#龍蝦長通粉

The Jungle 佐敦真係好多嘢食，揀咗一輪又想試下特別嘅嘢食，The Jungle就係我今次嘅選擇。 The Jungle主打尼泊爾菜，主餐牌上亦都有墨西哥菜嘅出現，不過今次午餐時間入去食就梗係食返佢lunch set上面嘅經典尼泊爾菜—— MOMO 同 Nepali Daal Bhaat☺️ MOMO 係尼泊爾餃子，樣貌上都幾似放大咗嘅小籠包🤣我地揀咗半煎半蒸嘅豬肉餡，餡料好豐滿，咬落啖啖肉又好香嘅香料味。上碟嘅蒸籠中間會放碟辣椒醬，佢唔會太辣，但同埋啲餃子一齊食，就會同本身餃子嘅香料相輔相成，真係好好食又好滿足！ 不過是日重點都係Nepali Daal Bhaat，上菜係一個六格圓盤，有長米煮成嘅飯、沙律青瓜甘筍、烤雞、House Curry、炒椰菜花、醃菜，上菜裝盤已經覺得好有風，食落都係☺️椰菜花同烤雞同埋唔同香料一齊炒香同烤焗過，口感豐富！House Curry最初見餐牌以為係類似平時食開嘅東南亞咖喱，但其實佢係稀身啲、帶少少微酸又唔太辣嘅自製咖喱，配搭返比較濃香嘅烤雞就攞到一個好好平衡👍🏽 午餐Set Lunch仲可以有埋甜品跟，我哋都揀咗個傳統甜品Kheer。佢係米漿軟布甸做base，然後有好多果仁碎同埋椰絲，相信入面仲落咗啲椰漿，不論聞落定食落都係滿滿的椰香，食落仲會有啲打碎咗一半米飯粒同果仁粒，所以口感同味道都好豐富好多層次！ 一個Lunch Set都係$88起，有湯或者沙律仲有嘢飲跟，真係好抵食☺️ #佐敦美食 #尼泊爾菜 #momo

這家日本餐廳只有中文名字（七福神和食亭），但菜單有英文和中文。 餐廳距離佐敦地鐵站 A 出口僅一個街區，如果您想在午餐時間找到人少的餐廳，這裡是完美的選擇。這裡不會太擁擠，也不會太吵鬧，因此您可以在吃午餐時放鬆。 這裡有幾種菜餚，如煙燻鮭魚沙拉、豬排咖哩飯、烤鯖魚或鰻魚套餐。 我嘗試了豬排，豬排真的很厚實多汁。沾上咖哩醬，配上熱騰騰的米飯吃，是我最喜歡的吃法！ #日本 #食物

大眾平民好食連鎖餐廳 著名大大隻菠蘿鮮奶油 如果咁啱撞正菠蘿油出爐時間一定要試下 香口脆口實身唔似空氣麵包 星洲炒米 香味濃厚好食有色水，星洲應有既配菜都有 絕對長期都應該Keep 住食 💰50-100人均消費 紅茶冰室 Red Tea Cafe Time.07:00-23:00（星期一至日） 地址.油麻地彌敦道498-500號地下 #紅茶冰室 #red Tea Cafe #foodie #油麻地 #油麻地美食 #油尖旺 #油麻地美食 #茶記 #茶記食好西 #吃貨 #食好西 #香港好去處

▫️想試呢間布甸包好耐🤩 🍮 法式布甸包 $15 ▫️麵包係煙韌偏硬身既法包🥖 特登焗熱啲先食，諗住外脆內凍，點知掛住食糊焗耐左，布甸都溶埋🫠😂 但食落都好香雲尼拿味，配埋法包好好食😋 🍫 朱古力布甸包 $20 ▫️朱古力味好香濃，仲有少少金箔點綴好靚🥰 🍮 泡芙布甸 $20 ▫️一咬落口超流心😍 滑到好似食緊cream咁🍦 不過一次個食晒成個會有少少漏🤏🏻 ▫️大家如果想焗返熱食，記住輕輕焗30秒-1分鐘好喇‼️🤣 嘉多娜餅屋 📍佐敦文苑街1-23號文英樓地下1號舖 #jordan #佐敦 #佐敦美食 #香港美食 #香港食評 #hkfoodie #foodiehk #hk #hkig #hkiger #hkfood #hkfoodlover #hkfoodblogger #hongkongfoodie #hkfoodporn #foodporn #hkfoodstagram #hkfoodblog #foodhongkong #hkfoodpic

今日去咗一間位於佐敦嘅cafe，好想介紹佢哋，因為覺得佢哋好用心經營😍 平時啲cafe同客係零交流，但係佢哋就唔同，叫咗杯手沖咖啡，佢哋會攞啲豆嚟俾我聞吓先，仲有好認真介紹，真係好少見。今日嘅咖啡豆係來自加拿大嘅Monteverde，聞落有少少花香同熱帶水果味，飲落真係有少少菠蘿嘅味，當然我唔係好專業🤣而呢款咖啡喺唔同嘅溫度下都會有少少唔同嘅味，幾特別。 另外嘢食整體都唔錯: 牛油果醬雞蛋酸種包 牛油果同雞蛋係絕配，好好味，重點係酸種包嘅口感好正，係我最鍾意嘅硬度同煙韌度，加埋佢嘅沙律酸酸哋好開胃，食完成份都唔會覺得滯，可以留肚試我最愛嘅tiramisu。 Tiramisu 呢個係佢哋自家製嘅，每日限量供應，啲cream好滑，用咗咖啡酒，酒味唔重，整體偏甜少少，不過口感同味道都唔錯，食完toast再食份甜品啱啱好。 另外餐廳仲有早餐提供，下次朝早收工去試埋先☺️ #foodie #cafe #夏日搵食推介 #tiramisu #手沖咖啡

地址－大角咀奧海城3期地下G19-21號舖家上海 家上海係奧海城其中一間上海餐廳，唔單止環境坐得幾舒服，食物有一定水準，好味，服務亦好好。 今次點了四人套餐，再加了小龍包。四人套餐分量十足，包括四個前菜，半隻雞，抄菜，抄飯，5個人都絕對夠食。其中推介上海煙燻脆皮雞，個皮又好脆，而且仲好多汁，好好味。小籠包皮薄餡靚，多肉汁。而抄飯亦多料，唔多油，飯粒粒分開。 #foodie #奧海城

📍𝗛𝗮𝗺𝗶 𝗛𝗮𝗿𝗺𝗼𝗻𝘆 (太子) 最近太子都多左好多打卡靚餐廳，今次就黎到bookmark左好耐嘅小cafe~ 呢到嘅裝修偏歐式田園風，門外設計仲係一間小白屋，環境好靚，令客人感覺額外舒適。食物種類方面都有好多款，而且價錢仲好合理😆~ 𝑰𝑻𝑬𝑴𝑺 𝑶𝑹𝑫𝑬𝑹𝑬𝑫: ▪️燒一口鵝肝多士(2件) ($73) 鵝肝煎得好香，入口即化，下面塊多士好脆身，仲吸哂鵝肝嘅油香，😈超邪惡之選！ ▪️日本帶子黑松露什菌意大利飯 ($145) 意大利飯嘅口感偏硬身少少，好有咬口，而且每粒飯粒都掛滿香濃嘅黑松露醬汁，🥰好食到我哋秒速清左個飯！什菌嘅份量都唔少，令到個飯增添左鮮味。日本帶子好大粒好鮮甜，而且煎得好香。 ▪️香辣意式茄醬蟹肉長通粉配松葉蟹棒 ($108) 長通粉好有咬口，而且掛汁力強，🍅茄醬唔算好濃稠，不過酸酸甜甜咁好開胃，不過就唔太食到有辣味。蟹肉嘅份量好多，😍松葉蟹棒好大條，味道鮮甜！ ▪️小食拼盤 ($138) 小食拼盤好豐富，入面有芝士條、BBQ汁雞翼、甜薯條同芝士蔥餅，一次就可以試晒咁多樣嘢。🧀芝士條好香好煙韌，建議一定要趁佢熱辣辣嘅時候食；BBQ汁雞翼個醬汁好出色；🍟甜薯條正常發揮，可以點千島醬食；至於芝士蔥餅就烘得好香，散發着陣陣嘅蔥香味~ ▪️哈蜜瓜菠蘿梳打 ($38) 平時出面好少見到有哈蜜瓜味嘅飲品，好特別！🍈梳打好清新解渴！ 𝑨𝑫𝑫𝑹𝑬𝑺𝑺: 📍太子西洋菜北街161號地下A舖 Shop A, G/F, 161 Sai Yeung Choi Street North, Prince Edward #hamiharmony #hkfoodie #foodiehk #hkfood #hongkonger #foodstagram #hkfoodlover #hkfoodstagram #hkigfood #hkfoodblogger #香港美食 #太子美食 #hkfoodblog #hkfoodshare #hongkongfood

地址：佐敦彌敦道233-239號JD MALL地下 (出口：港鐵佐敦C1出口) 如果您喜歡新加坡美食，您可以隨時來到土司工坊餐廳品嚐正宗的新加坡美食。 我最愛吃的是海鮮咖哩麵，味道辛辣濃鬱，一碗68港幣（含熱飲）。 餐廳氣氛很好，桌子之間的空間很大，所以不會太吵。 #美食 #正宗 #新加坡

佐敦新開嘅居酒屋，環境好日式，鍾意喺居酒屋飲酒嘅朋友一定要嚟，所有酒都買一送一，連一枝枝嘅清酒都有呀🤩🤩 深海池魚刺身，切得好薄好巧功夫，加啲蔥同蘿蔔蓉，配酸汁好好味😋大大碟先$168。 生蠔🦪都勁抵食，今個月做緊優惠$18一隻，咁嘅大細真係抵到爛，一定要食。 蒲燒鰻魚飯，好大碗呀，鰻魚好肥美，燒得好香，汁又夠多，撈飯真係好好味，好啱做主食。 仲試咗燒鯖魚，都值得一試，大大條，燒得好香。另外仲叫咗兩串串燒，牛舌有嚼勁，好香呀。蕃茄豚肉都好特別，值得一試，加咗蕃茄可以中和豚肉嘅肥膩。仲有燒芝士年糕一定一定要食，好好味😋 朋友好鍾意雞肉餃子，好特別，外層勁香脆，內層啖啖肉，好香，記得要即食。 另外叫咗啲小食，有我最愛嘅雞泡魚乾、朋友食唔停嘅枝豆同埋蕃茄，全部都送酒一流。餐廳有啲卡位坐，下次要約埋四個人一齊去食嘢飲酒😎 #foodie #夏日搵食推介 #佐敦美食 #居酒屋

入到去覺得裝修都幾靚 有種中西合璧既感覺 最搶鏡應該係有幅皇帝既畫像掛係度😂 我地兩個人叫左一碟意粉 一份薯條同一份乳豬 本身見到隻火腿就想叫多份西班牙火腿做頭盤 但係怕太飽無叫 (後來問店員先知火腿唔係日日有架!下次見到要即刻叫!) . 首先上碟既係Vongle 意式蜆肉配自家製墨汁闊麵 墨汁麵放入口就食得出真係自家製 麵條質感特別彈牙，墨汁味好重！ 配埋同樣鮮味既蜆肉好夾而且蜆肉份量好多 可能因為醬汁帶少少酸 加提起成碟意粉既鮮味 之後上碟既係煎蛋肉醬薯條 一切開個蛋 蛋汁流哂落薯條 入面既芝士溶化狀態 加埋個肉醬配搭得好好 地址:太子基隆街119號地舖

冇食過澳牛=冇嚟過香港🇭🇰 澳牛就由細食到大,又係水準如一,落單快‼️上枱快‼️不嬲就係中意佢哋夠快‼️心急人上‼️😚 仲有就係大肚🤰🤱🏽家姐仔細個拖住佢嚟都唔洗排隊☺️真係好𝘀𝘄𝗲𝗲𝘁💓 🍳不過要排隊𝚅𝚒𝚎𝚗𝚗多數都唔會排叫外賣🥡咁啱呢排冇排隊運🤣今日8:15𝚊𝚖經過門口冇人排就入去啦⋯⋯其實就好想叫叉燒意粉🍝但晨早流流未有胃口食住🤣 🍳#早餐 𝗵𝗸𝗱$𝟰𝟮 火腿通心粉、炒蛋烘牛油多士、凍檸茶🍹(凍飲➕$𝟮) 火腿通心粉就係平凡得嚟出眾🤣上湯係唔錯☺️但𝚅𝚒𝚎𝚗𝚗中意叉燒意粉多𝚍☺️嚟澳牛最掛住係個包🍞個包真係好軟熟加埋牛油🧈簡直100分🏆 🍳炒蛋嚟港真係澳牛認第2就冇人認第1👌🏼夠嫰唔老,中意一啖蛋一啖多士又得👏🏽將炒蛋放喺多士上食亦都得🙌🏽得咗🤣🤣凍檸茶就元朗國永𝚜𝚞𝚎𝚗果杯好飲𝚍,但九龍區嚟講都算係咁👍🏽👍🏽 𝙾𝚟𝚎𝚛𝚊𝚕𝚕嚟講去澳牛就係食佢既光速餐🙌🏽食兒時回憶,食佢幾十年每次去都水準如一‼️永遠唔會令你失望‼️好彩呢種飲食文化傳承到俾家姐仔💓 另外細個第1間食既燉蛋+燉好都係喺澳牛！到依家都係咁好食😋 如果大家中意俾個like支持下🤟🏽 𝗖𝗶𝗮𝗼~ . . 🍳澳洲牛奶公司 (佐敦) 🍳佐敦白加士街47-49號地下 #foodie #本地遊

成日去佐敦食嘢，因為佐敦有好多好抵食又好味嘅餐廳，呢間都係成日會幫襯嘅餐廳之一，酸酸甜甜嘅越南菜，好啱我口味，收工買完返屋企慢慢嘆。 餐廳唔算大，有部大電視，不過夜晚冇得堂食，只可以係出面等，不過好快就攞得。 香茅美國黑毛豬扒，$42 鍾意食呢度嘅豬扒，大大塊又香又好味，食唔停，豬扒唔會好肥，放心食。 煙三文魚米紙卷，$48 卷嘅份量都好大，一啖一舊係食唔到㗎，入面包咗菜、粉同青木瓜，又好味又健康。 法式咖喱牛肋撈檬，$58 鍾意食撈檬嘅我都係第一次食咖哩味，平時啲配菜都係乾身嘅，今次試啲唔同嘅味，估唔到魚露同埋咖哩撈埋啲檬粉又好夾喎，牛腩好入味。 火五炭燒鰻魚飯，$48 鰻魚飯又係我嘅最愛之一，估唔到越南餐廳都有得食，而且質素唔差，又抵食，啲飯多到第二日炒飯食。#foodie #外賣自取 #佐敦美食 #越南菜 #抵食 #星級作家4月快閃