【#尖沙咀美食：亞洲風味日式菜🆕✨】

疫情後勁耐冇嚟過K11 Musea，今次嚟咗B2層food court位置試咗呢間新開嘅創新亞洲風味日式菜餐廳！餐廳嘅菜式選擇主要分「開胃美食」、「亞洲風味」、「和風冷麵」及「素食必選」，加埋共8款麵食可以揀，可惜嘅係不設小食，罐裝或枝裝飲品加購價就需要HK$15。麵食用一個黑色碗盛載，湯底比較濃郁，掛麵力好強喔🍜❣️ ✍🏻 /日式櫻花蝦擔擔麵 💵價錢：HK$88 🔘美味指數：❤️❤️❤️❤️🤍 好濃郁嘅湯底，係秘製芝麻花生醬，估唔到同擔擔麵都幾夾！麵上有豬肉碎同櫻花蝦，再配青蔥、芝麻同辣椒絲，味道好豐富，啲豬肉碎有啲搶咗櫻花蝦嘅主角光環，同個湯底好夾。食到中段可能就會想飲下野，配埋凍冰冰嘅波子汽水，唔錯🧊✨❣️ ✍🏻 / 特濃烏冬卡邦尼 💵價錢：HK$98 🔘美味指數：❤️❤️❤️❤️🤍 一向麻麻哋芝士嘅我，呢碟又可以接受喎！唔好睇呢碟野個樣好似冇咩肉，其實佢除咗用稻庭烏冬配巴馬臣芝士外，仲係由意大利風乾豬腩、忌廉、洋蔥、醃蛋黃、法蔥同脆煙肉烹煮而成，只係好多都切粒上，撈埋食，啲風乾豬腩咸咸地好好味🐖➰ 💵埋單價錢：HK$201/2人 🔘整體美味指數：❤️❤️❤❤🤍 🔘餐廳名稱：The Big Things Noodles (尖沙咀) 🔘餐廳地址：尖沙咀梳士巴利道18號Victoria Dockside K11 MuseaB2樓G號舖 . #hkfood #food #foodlover #foodporn #foodpic #foodie #hkfoodie #hkig #photography #hk #hkgirl #hkcafe #foodblogger #hkfoodblogger #hkphotography #hkphotographer #食評 #香港美食 #香港好去處 #相機食先 #吃貨 #香港攝影 #美食 #料理 #日式料理 #日本 #日本菜 #尖沙咀 #香港打卡#