大圍圍方商場有一間中菜館性價比高

綠茶餐廳 今次要介紹一間喺大圍圍方商場入面有一間中菜館叫「綠茶餐廳」，呢間中菜館大約開咗唔夠兩個月，中午過後仍然好多人入去食，我一坐低店員就好快遞上一壺靚茶叫「九曲紅梅茶」，茶味有少少似普洱茶，呢種茶係屬於紅茶嘅一種，產量極少具珍藏嘅優質紅茶！ 嚟到呢間中菜館一定要試下佢哋最出名嘅蔥花脆皮烤鴨，輪椅人士可以入去試下呢間中菜館，環境舒服，通道闊落，都幾唔錯嫁！ 1.蔥花脆皮烤鴨$148（10/10） 呢碟蔥花脆皮烤鴨底部放滿了蔥花，蔥油都算多，眼望烤鴨肉質以為會好韌，點知一咬烤鴨肉質好嫩滑，烤鴨大約10舊，份量算多，係必叫之選！ 2.黑松露牛肉炒飯$108（9.5/10） 呢碟黑松露牛肉炒飯份量雖然唔算多，但食落每一啖炒飯都充滿了黑松露味，牛肉又唔嫩，炒飯炒到粒粒分明，仲放咗三色豆，唔錯！ 3.辣椒鴨掌$88（9/10） 呢碟辣椒鴨掌唔算太辣，不過油份太多，每隻鴨掌咬落唔算太硬，份量都算多，大約有15隻鴨掌，食得辣嘅你可以叫嚟試下！ 4.海苔松仁芝麻球$48（10/10） 呢碟海苔松仁芝麻球唔係一般出面食嘅芝麻球，第一起碼唔會太甜，第二仲有加海苔，芝麻加海苔等於香上加香，炸得又唔會太油膩，一碟共有4粒海苔松仁芝麻球，好正！ 5.白飯$15（10/10） 由於黑松露牛肉炒飯份量唔算多，所以叫多一碗白飯！ 6.暴打鳳梨茶$38（8.5/10） 呢杯暴打鳳梨茶有少少甜，入面有熊仔造型嘅冰，每一啖都會飲到鳳梨果肉，如果減少少糖就更好飲！ 7.龍井檸檬茶$38（9.5/10） 呢杯龍井檸檬茶甜度啱啱好，龍井茶香濃，同其他檸檬茶好唔同，龍井茶本身價錢都貴，$38嚟講算係幾抵飲！ 2人總共價錢$558，茶位每位$24，其他有加一服務費！ 個人口味總評分：9.5/10 地址：大圍車公廟路18號圍方3樓321A號舖 Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️ #綠茶餐廳 #中菜館 #江浙菜 #香港美食 #大圍美食 #大圍好去處 #hkig #hkboy #hkkol #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong #報名郵輪試坐員 #新年好去處2025