將軍澳必試新式飲茶體驗 面向海景

DHYC 得閒飲茶 @dhyc_dimsumhk 得閒飲茶係以前嘅人好鍾意講嘅客套說話😂除咗陪屋企人去，好似而家後生都比較少去飲茶。 DHYC希望透過新式簡約既風格，再結合傳統點心既味道。令傳統點心文化可以流傳落嚟，令更多年輕一輩認識和欣賞點心文化。 冇太多華麗花巧嘅擺設，只係食物方面保留最傳統的做法。 佢哋嘅點心同平時嘅傳統酒樓唔同，唔係工廠整好再送到門市，而係每朝師傅提早喺店舖整。仲有一樣特別地方，除咗平時嘅熱茶之外，竟然仲有冷泡茶飲🥰仲要佢哋有幾個座位係面向海景（要提前book），真係勁chill😎 坐得勁舒服😌 🌟鍋貼蝦多士 🦐🍞$68 平時嘅蝦多士下面都係好厚嘅多士，呢個蝦多士嘅麵包超薄，上面好厚嘅蝦滑，麵包邊炸得好香脆，會配埋沙律，可以點嚟食。 🌟蘿蔔絲酥餅 $42 裏面好多蘿蔔絲同餡料，外皮夠薄夠酥脆，而且唔會覺得好油膩 🌟手打墨魚餅 $42 一份有三塊，咬落幾彈牙，唔會覺得好重麵粉，會配埋辣醬一齊上， 🌟懷舊灌湯餃 $68 原來依家好多嘅灌湯餃都係以「湯浸餃」 嘅形式去做，呢度係選用傳統嘅方式去整。 裏面包左蟹肉🦀蝦🦐大菜、瑤柱同上湯。真係皮薄餡多。 🌟煎釀虎皮椒🌶 $68 虎皮椒唔會過熟，咬落重會有少少爽脆，辣椒頭嘅部份會有啲辣，其餘嘅部份就正常。 🌟蝦餃🍤🥟 $42 選用新鮮海蝦製成，蝦肉爽口，鮮甜多肉汁皮，最緊要蝦餃皮夠薄。 🌟燒賣 $42 超足料既燒賣，冬菇味好香，冇好重麵粉嘅質感。 🌟松露雜菌餃🥟🍄 $48 呢款係素餃，裏面有翠玉瓜、雜菌同黑松露。皮會比較厚少少，裏面都有黑松露，我覺得幾香。 🌟蒜蓉粉絲蒸鮮魷 🦑$48 鮮魷仲幾彈，調味啱啱好，而粉絲就吸晒啲汁，略為有少少鹹。 🌟瑤柱蛋白炒飯 🍳🍚$120 以前食中菜成日都會食到嘅一款，炒飯做到粒粒分明，而且瑤柱蛋白嘅份量都好多，仲加咗啲菜心去炒。份量足夠兩至三人share。 🌟竹炭奶皇包🍞 $42 平時去飲茶次次都會嗌嘅點心☺️ 呢款嘅流心效果幾好，麵包亦都好鬆軟，如果個流心餡可以鹹香味重啲會仲好 🌟芝麻卷 $32 呢款係好懷舊嘅小食，細個會成日將佢咬開攤平好長嚟食😅芝麻味唔算好香，不過鍾意唔會太甜 唔小心又打得太長…，我係平日下午茶時段去，當時都幾full, 等候時間有啲長😕 但整體服務同食物其實都幾好， 店員都好Nice。 📍 DHYC Dimsum Restaurant (將軍澳) 將軍澳唐俊街23號Monterey Place1樓2A號舖 #dhyc #得閒飲茶 #中式 #點心 #飲茶 #燒賣 #將軍澳 #將軍澳美食 #foodiehk #hkfoodie #hkfood #foodhk #food #foodie #blogger #hkblogger #香港美食 #美食 #食 #食好西 #hkfood #hkeat #hkig #打卡 #topcitybiteshk #topcitybites #香港好去處 #食べスタグラム #ighk